प्रदेश सांसद लामाबाट श्रीमतिको जन्मदिनमा राहत वितरण

१७ बैशाख, काठमाडौं । बागमती प्रदेशका प्रदेशसभा सदस्य छिरिङदोर्जे लामाले आफ्नी श्रीमतिको जन्मदिनमा राहत सामग्री वितरण गरेका छन् । श्रीमती अनु प्रसाई लामाको जन्मदिनमा दुबैले व्यक्तिगत खर्चमा लकडाउनमा समस्यामा परेकाहरुका लागि राहत सामग्री वितरण गरेका हुन् ।
लकडाउनबाट प्रभावित दैनिक ज्यालादारी गर्ने मजदुर विपन्न परिवारलाई निःशुल्क भोजन गराउने अभियानका लागि विभिन्न क्षेत्रमा ७५ बोरा चामलसहित खाद्यान्न सहयोग गरेका छन् । लर्डस लाईट गोकर्णेश्वर नगरपालिका वडा नं ६  नयॉवस्ती युवा क्लव, गैरी गॉउ सुधार समाज, सुन्दरटोल सुधार समाज, नारायणटार यूवा क्लव चामुण्डा मावि, जोरपाटी युवा क्लव तथा जोरपाटी युवा समुह गोकर्णेश्वर नगरपालिका ५, गोकर्णेश्वर नगरपालिका वडा नम्बर ५ कार्यालय , पाखा पंधेरो, अरोणदय मावि वडा नम्बर ९ आरूबारी, आनन्दपुर महिला समाज, बृहस्पति मार्ग टोल विकास समाज, स्पेशल स्पोर्ट क्लव आनन्दपुर बौद्द–६ तिनचूले, निराग पार्टी प्यालेश काठमाडौं–६, चुच्चेपाटी, बौद्ध तामाङ कल्याण गुठ्ठीको नयॉ भवन, बौद्ध–६ टुसाल धुर्सामा खाद्यान्न सहयोग गरेका हुन् । 
उनीहरुले गोकर्णेश्वर नगरपालिका वडा नम्बर ८  र गोकर्णेश्वर नगरपालिका वडा नम्बर ४ लाइ पनि सहयोग गरेका छन् । त्यस्तै, सुनौलो पाइला संस्थामा आश्रय लिइरहेकी सुत्केरी महिलासहित बालबालिकाहरुको लागि १० हजार रुपैंया नगद समेत सहयोग गरिएको छ । लकडाउनका कारण दुई छाक टार्न समस्या परेका ज्यालादारी मजदुर र विपन्न समुदायलाई निःशुल्क खाना उपलव्ध होस् भन्ने उद्धेश्यले सहयोग गरेको अनुले बताईन् । नेपाली कांग्रेस बागमती प्रदेश संसदीय दलका सचेतक समेत रहेका सांसद लामाले क्लव, टोल विकास संस्था लगायतका सामाजिक संस्थाले लकडाउनको समयमा पुर्याईरहेको सेवाको प्रशंसा गर्दै यसमा आफ्नो परिवारको तर्फबाट सहयोग गर्न पाएकोमा खुशी व्यक्त गरे । राज्यले गर्नुपर्ने कामलाई समुदायले जिम्मा लिएको देखेपछि सहयोग गरेको बताउँदै उनले आफु यसमा निरन्तर साथ दिन तयार रहेको बताए ।
जन्मदिनको बहानामा भोजभतेर गरेर फजुल खर्च हुने नेपाली समाजमा यस्तो खर्चलाई विपन्न्न समुदायको हितमा खर्चिएर सकारात्मक सन्देश दिएको भन्दै स्थानीयले समेत लामा दम्पत्तिको प्रशंसा गरेका थिए ।