बामदेव गौतमलाई प्रधानमन्त्री बनाउन सकिदैन : विडारी

१९ बैशाख, काठमाडौं । सत्तारुढ दल नेपाल कम्युनिष्ट पार्टी (नेकपा) का राष्ट्रियसभाका सदस्य रामनारायण बिडारीले बामदेव गौतमलाई प्रधानमन्त्री बनाउन नसकिने स्पष्ट पारेका छन् । 
पत्रकार ऋषि धमलासंगको टेलिभिजन अन्तरवार्तामा विडारीले गौतम पार्टीलाई चाहिने नेता भएको बताउँदै उनलाई राष्ट्रियसभामा ल्याएर प्रधानमन्त्री बनाउन भने नसकिने बताए । उनले संविधान बमोजिम गौतमलाई प्रधानमन्त्री बनाउने परिस्थिति नरहेको बताए । उनले प्रधानमन्त्री ओलीले गौतमलाई प्रधानमन्त्री बनाउने प्रस्ताव ल्याएको नभई व्यंग्य गरेको बताए । नेपालको संविधानमा प्रतिनिधिसभाको सदस्यमध्येबाट संसदीय दलको नेतामात्रै प्रधानमन्त्री बन्न सक्ने व्यवस्था रहेको बताए । 
उनले समानुपातिक सूचिमा समेत गौतमको नाम नरहेको भन्दै सांसद विडारीले समानुपातिबाट समेत गौतम प्रधानमन्त्री बन्न नसक्ने बताए । उनले गौतम चुनाव जितेर मात्रै प्रधानमन्त्री बन्ने सक्ने बताए । विडारीले प्रधानमन्त्रीले आफु अप्ठ्यारोमा परेकाले यस्ता खालका हुन नसक्ने विषय बाहिर ल्याएको बताए । उनले गौतमलाई प्रधानमन्त्री बनाउनकै लागि संविधान संशोधन गर्नु जनताको अपेक्षा विपरित हुने बताए । 
उनले गौतमलाई प्रधानमन्त्री बनाउने प्रधानमन्त्री ओलीको भनाईप्रति हाँस्नुको विकल्प नरहेको बताए । नेकपाको सचिवालयमा गौतममात्रै सांसद छैनन् ।