लकडाउन एकसाता लम्बिने, मन्त्रीपरिषद बस्दै

File Photo

२४ बैशाख, काठमाडौं । नेपाल सरकार मन्त्रिपरिषदको बैठक बुधबार बस्दैछ । प्रधानमन्त्रीको सरकारी निवास बालुवाटारमा विहान ११ बजे मन्त्रीपरिषद बैठक बस्न लागेको हो ।
बैठकले कोरोना संक्रमणको जोखिम रोक्न लकडाउन कम्तिमा एक साता बढाउने जनाईएको छ । लकडाउनकै कारण कोरोना संक्रमणको फैलने दर नेपालमा कम रहेको भन्दै यसलाई निरन्तरता दिने तयारीमा सरकार रहेको छ । मंगलबार बालुवाटारमा प्रधानमन्त्रीसहित बसेको कोरोना रोकथाम तथा उच्चस्तरीय समितिको बैठकले पनि लकडाउनलाई अहिलेकै ढाँचामा निरन्तरता दिनुपर्ने सुझाव दिएको थियो । 
तर आर्थिक क्षेत्र लकडाउनका कारण नराम्ररी प्रभावित भएकाले निश्चित क्षेत्रमा खुकुलो गरी लकलाउनलाई निरन्तरता दिनुपर्ने सुझाव पनि आएको छ । गृहमन्त्री रामबहादुर थापाले पनि अर्थतन्त्रलाई केही गति दिने ढंगले बर्गिकरण गर्दै लकडाउनलाई खुकुलो गर्नुपर्ने बताउँदै आएका छन् । सरकारले चैत ११ गतेदेखि लागु गरेको लकडाउन विभिन्न तरणमा बढाउँदै बैशाख २५ गतेसम्म पुर्याएको छ । लकडाउनको थपिएको अवधी सकिन एक दिन बाँकी छ । तर नेपालमा कोरोना संक्रमितको संख्या बढिरहेको छ । 
यो समाचार तयार पर्दासम्म नेपालमा कोरोना संक्रमितको संख्या ८२ छ भने उपचारपछि निको भएर १६ जना फर्किएका छन् ।