सरकारले शासन गर्ने नैतिक आधार गुमाईसक्योः देउवा

२७ बैशाख, हेटौंडा । प्रमुख प्रतिपक्षी दल नेपाली कांग्रेसका सभापति शेरबहादुर देउवाले सरकारले शासन गर्ने नैतिक र राजनैतिक आधार गुमाईसकेको बताएका छन् ।
संघीय संसदको छटौ अधिवेशन अर्थात बजेट अधिवेशनको पहिलो दिन शुक्रबारको प्रतिनिधिसभा बैठकमा शुभकामना मन्तव्य दिदै नेता देउवाले सरकारले शासन गर्ने नैतिक र राजनैतिक आधार गुमाईसकेको बताएका हुन् ।
कोरोना संक्रमणको विषम परिस्थितिमा पनि भ्रष्टाचारका विषय सार्वजनिक हुनु, सरकार लोकतान्त्रिक मुल्य मान्यता र संविधानको भावना विपरित क्रियाकलापमा संलग्न हुनु तथा सांसद अपहरण जस्तो आवाञ्छित र अपराधिक गतिविधिमा संलग्न हुनुले सरकारको नैतिक र राजनैतिक आधार गुमेको देउवाको भनाई थियो ।
यस्तै देउवाले सरकारले लोकतान्त्रिक मुल्य र मान्यता र संविधानको भावना विपरित दुईवटा विवादास्पद अध्यादेश जारी गरेर अलोकतान्त्रिक र गैह्जिम्मेवारी प्रर्दशित गरेको दाबी पनि गरे ।
कोरोना संक्रमण नियन्त्रण तथा रोकथामका लागि सबै मिलेर साथ दिएका बेला दल विभाजन र संबैधानिक परिषद्को गरिमा समाप्त पार्ने षडयन्त्रपुर्वक अध्यादेश ल्याउनुबाट प्रधानमन्त्रीको नियोजित नियति प्रष्ट भएको देउवाको आरोप थियो ।
उनले कोरोना विररुद्धको लडाईमा साथ दिए पनि सरकारको अधिनायवादी नियत विरुद्ध निरन्त लड्ने चेतावनी दिएका छन् ।