रिलिजकै दिन बाहुबली २ ले बनायो ५ रेकर्ड

१५ बैशाख । शुक्रबार रिलिज भएको भारतीय चलचित्र फिल्म 'बाहुबली २' पहिलो दिन भारतका अधिकांश हलमा हाउसफुल भएको छ। त्यतिमात्र हैन टिकटका लागि विहानैदिखि कैयौं हलमा दर्शकको लामो लाईन लागेको थियो । बक्स अफिसमा तहल्का मच्चाउने लक्षण पहिलो दिनबाटै देखाएको फिल्मले बाहुबली २ ले ५ रेकर्ड समेत तोडेको भारतीय संचारमाध्यमहरूले जनाएका छन् । ।

बाहुबलीको सिक्वेल चलचित्र बाहुबली २ ले भारतको ९ हजार स्क्रीनमा एक्कै पटक रिलिज भएको पहिलो फिल्म बनेको छ । यसअघि आमिर खानको 'पिके' र ऋतिक रोशनको 'ब्याङ ब्याङ' ६ हजार स्क्रीनमा एक्कै पटक रिलिज भएका थिए ।

बाहुबली २ ले सबैभन्दा धेरै एडभान्स टिकट बुकिङको रेकर्ड पनि  बनाएको छ । बाहुबली २ हेर्नका लागि १० लाख टिकट अग्रिम बुकिङ गरिएको बताइएको छ ।

बाहुबली २ ले सबैभन्दा महंगो टिकट मूल्यको रेकर्ड पनि तोडेको छ । यो २ हजार ४ सय भारतीय रुपैँयामा टिकट बिक्री गर्ने पहिलो फिल्म बनेको छ ।

बाहुबली २ बिभिन्न भाषामा डबिङ गरी रिलिज गर्नका लागि तिरेको पैसाले यो फिल्मले १३० करोड आम्दानी गरिसकेको छ । हिन्दी, तेलंगु, तामिल लगायतका भाषामा पनि यो फिल्म रिलिज गरिएको छ ।

बाहुबली २ अमेरिकामा ८ हजार स्क्रीनमा एक्कै पटक रिलिज हुने पहिलो बलिउड फिल्म पनि बनेको छ ।
फ