दक्षिण एसियामा कोरोनाः भारत सबैभन्दा बढी प्रभावित

२७ बैशाख, हेटौंडा । विश्वभर महामारीको रुपमा फैलिरहेको कोरोना भाइरस कोभिड–१९ बाट दक्षिण एसिया पनि अछुतो रहन सेकेको छैन । दक्षिण एसियाका देशहरुपनि विस्तारै कोरोना संक्रमणको चपेटामा परिरहेका छन् ।
दक्षिण एसियाली मुलुकहरुमा भारत सबैभन्दा बढी प्रभावित भएको छ । कोरोना सम्बन्धि तत्थ्याङक प्रस्तुत गरिरहेको वेबसाइट वल्डोमिटरका अनुसार दक्षिण एसियाली देशहरुमा सबैभन्दा बढी संक्रमित र मृतकको संख्या भारतमा रहेको छ । 
भारत
दक्षिण एसियाली देशहरुमा कोरोना संक्रमणबाट भारत सबैभन बढी प्रभावित भएको छ । शनिवार विहानसम्म भारतमा ५९ हजार ६ सय ९५ जनामा कोरोना संक्रमण पुष्टि भएको छ । यस्तै यहाँ १ हजार ९ सय ८५ जनाको मृत्यु भएको छ । 
कोरोना संक्रमण पुष्टि भएकामध्ये भारतमा १७ हजार ८ सय ८७ जना उपचारपछि निको भएका छन् । भारतमा एकैदिन ३ हजार ३ सय २१ जना नयाँ सक्रमित थपिएका छन् भने ८७ जनाको मृत्यु भएको छ ।
पाकिस्तान
दक्षिण एसियाली मुलुकहरुमा भारतपछि पाकिस्तानमा सबैभन्दा संक्रमित र मृतक रहेका छन् । यहाँ कोरोना संक्रमितको संख्या  २६ हजार ४ सय ३५ रहेको छ । पाकिस्तानमा एकैदिन १ हजार ७ सय ९१ जना नयाँ संक्रमित थपिएका छन् ।
यहाँ ५ सय ९९ जनाको संक्रमणबाट ज्यान गइसकेको छ भने ७ हजार ५ सय ३० जना उपचारपछि निको भएर घर फर्किएका छन् । 

बंगलादेश
बंगलादेशमा पनि कोरोना भाइरसबाट संक्रमित हुनेको संख्या बढिरहेको छ । यहाँ ७ सय ९ जना नयाँ संक्रमित थपिएसँगै कुल संक्रमितको संख्या १३ हजार १ सय ३४ पुगेको छ । यस्तै यहाँ पछिल्लो २४ घण्टामा ७ जनाले ज्यान गुमाउँदा कुल मृतकको संख्या २ सय ६ पुगेको छ ।
बंगलादेशमा अहिलेसम्म २ हजार १ सय १ जना उपचारपछि निको भएका छन् ।
।
अफगानिस्तान
अफगानिस्तानमा अहिलेसम्म ३ हजार ७ सय ७८ जनामा कोरोना संक्रमण पुष्टि भएको छ । यहाँ अहिलेसम्म १ सय ९ जनाको मृत्यु भएको छ भने ४ सय ७२ जना उपचारपछि निको भएका छन् ।
श्रीलंका
श्रीलंकामा कोरोना भाइरसबाट संक्रमित हुनेको संख्या ८ सय ३५ पुगेको छ । श्रीलंकामा अहिलेसम्म कोरोना संक्रमणबाट ९ जनाको मृत्यु भएको छ । यहाँ केही दिन यता मृतकको संख्या स्थिर रहेको छ । कोरोना पुष्टि भएकामध्ये श्रीलंकामा २ सय ४० जना निको भएका छन् ।
मालदिभ्स
दक्षिण एसियाली देश मालदिभ्समा हालसम्म ७ सय ४४ जनामा कोरोना संक्रमण देखिएको छ । यहाँ संक्रमणका कारण अहिलेसम्म ३ जनाले ज्यान गुमाएका छन् ।
मालदिभ्समा उपचारपछि निको हुनेको संख्या २० रहेको छ ।
नेपाल
कोरोना संक्रमणबाट नेपाल पनि विस्तारै प्रभावित भइरहेको छ । नेपालमा कोरोना भाइरसबाट संक्रमित हुनेको संख्या १ सय ९ रहेको छ । शनिवार विहान थप ७ जनामा कोरोना पुष्टि भएसँगै कुल संक्रमितको स.ख्या १ सय ९ पुगेको हो ।
नेपालमा कोरोना भाइरसबाट हालसम्म कसैको मृत्यु भएको छैन । कोरोना संक्रमण पुष्टि भएकामध्ये ३१ जना निको भएर घर फर्किएका छन् । 
भुटान
भुटानमा कोरोना संक्रमितको संख्या केही दिन यता निरन्तर स्थिर छ । यहाँ अहिलेसम्म ७ जनामा कोराना संक्रमण पुष्टि भएको । भुटानमा ५ उपचारपछि निको भएका छन भने २ जनाको उपचार चलिरहेको छ ।