भारतिय हस्तक्षेप खेदपूर्णः राज्य व्यवस्था समिति

२८ बैशाख, हेटौंडा । प्रतिनिधिसभाको राज्य व्यवस्था तथा सुशासन समितिले भारतले नेपाली भूमि मिचेर सडक निर्माण गरेकोप्रति खेद व्यक्त गर्दै भत्र्सना गरेको छ । 
समितिको आइतबार बसेको बैठकले भारतले नेपालको सार्वभांैमिकतामाथि हस्तक्षेप गर्नु खेदपूर्ण भन्दै भत्र्सना गरेको हो । 
समिति सभापति शशी श्रेष्ठले नेपालको सार्वभौमिकतामाथि हस्तक्षेप र थिचोमिचो गर्दै सडक निर्माण गर्नु भत्र्सना योग्य भएको बताईन ।
समितिले भारतलाई कालापानी र लिपुलेक लगायतका ठाउँबाट भारतीय सैनिक तत्काल फिर्ता गर्न पनि आग्रह गरेको छ । सार्वभौंमिकता र अखण्डताको सम्मान गर्न र अतिक्रमणकारी कदम त्याग्न गर्दै समितिले नेपालको भूमि हुँदै मानसरोवर जाने सडक निर्माण गरेको विषयमा त्रिपक्षिय संवादका लागि कुटनीतिक पहल गर्न सरकारलाई निर्देशन समेत दिएको छ । 
बैठकमा सांसदहरुले समस्या समाधानको ठोस कदम चाल्न आग्रह गरेका छन् । सरकारका निकायहरुले सही प्रतिवेदन र सूचना नदिदा नै समस्या आउने गरेको भन्दै सांसदहरुले अनुसन्धान विभागप्रति समेत प्रश्न उठाएका छन् । 
छफलमा समितिकी सभापति श्रेष्ठ, सांसदहरु जनार्दन शर्मा, लालबाबु पण्डित, डिला संग्रौला, दिलेन्द्र बडु, प्रेम सुवाल, लगाएतले आ–आफनो धारण राखेका थिए ।