विश्वभर कारोना संक्रमितको संख्या ४४ लाख नाघ्यो

१ जेष्ठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट संक्रमित हुनेको संख्या ४४ लाख नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमितको संख्या ४४ लाख २५ हजार ६ सय ३९ पुगेको छ ।
पछिल्लो २४ घण्टामा मात्रै संक्रमितको संख्या ८८ हजार २ सय १९ जनाले थपिएको छ । संक्रमित मध्ये अहिलेसम्म २ लाख ९७ हजार ७ सय ६५ जनाको मृत्यु भइसकेको छ । 
यसैगरी संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार १६ लाख ५७ हजार ७ सय १६ जना संक्रमित उपचारपछि निको भएका छन् ।
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १४ लाख ३० हजार ३ सय ४८ जना मानिस संक्रमित भएका छन । पछिल्लो २४ घण्टामा अमेरिकामा २१ हजार ७ सय १२ जना नयाँ संक्रमित थपिएका छन् ।
अमेरिकापछि स्पेनमा सबैभन्दा बढी संक्रमित रहेका छन् । यहाँ २ लाख ७१ हजार ९५ जना संक्रमित रहेका छन् । 
पछिल्लो समय संक्रमितको सख्या ह्वात्तै बढेपछि रसिया र बेलायत संक्रमितको तेश्रो र चौथो स्थानमा पुगेका छन् ।
रसियामा संक्रमितको संख्या २ लाख ४२ हजार २ सय ७१ पुगेको भने बेलायतमा संक्रमितको संख्या २ लाख २९ हजार ७ सय ५ पुगेको छ । यस्तै इटलीमा कोरोना संक्रमितको संख्या २ लाख २२ हजार १ सय ४ पुगेको छ ।
यसैगरी पछिल्लो केहीदिन लगातार संक्रमितको संख्या बढीहरको ब्राजिलमा १ लाख ८९ हजार १ सय ५७ जना संक्रमित पुगेका छन् । यहाँ एकैदिन ११ हजार ५ सय ५५ जना नयाँ संक्रमित थपिएका छन् भने फ्रान्समा संक्रमितको संख्या १ लाख ७८ हजार ६० पुगेको छ ।
यसैगरी जर्मनी, टर्की, इरान, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ ।