सरकार सफल भएको राष्ट्रपति भण्डारीको दावी

२ जेठ, हेटौंडा । नीति तथा कार्यक्रम सार्वजनिक गर्दै गर्दा राष्ट्रपति भण्डारीले सरकारका लक्ष्य र प्रतिवद्धताहरु कार्यान्वयन हुदै गएको दाबी गरेकिछन् । 
नीति तथा कार्यक्रम प्रस्तुत गर्दै राष्ट्रपति भण्डारलिे सरकारले लिएको लक्ष्य र प्रतिवद्धताहरु दुई बर्षमा क्रमशः कार्यान्वयन हुदै आएको र सरकारको दृष्टिकोण स्पष्ट  रहेको उल्लेख गरिन । 
उनले सरकारको गन्तव्य निश्चित रहेको, लक्ष्यहरु निर्धारित रहेको, नीति र कार्यक्रम जनमुखी रहेको र कार्यान्वयन परिणाममुखी रहेको दावी गरिन् ।
सरकार दुई बर्षको छोटो अवधिमा नै उत्साहवद्र्धक उपलब्धि हासिल गर्न सफल भएको उल्लेख गर्दै राष्ट्रपति भण्डारीले यस अवधिमा भएका सामाजिक विकास भौतिक प्रगति र १४ भन्दा बढी विश्व सुचकका सुचाकांकहरुमा नेपालले हासिल गरेको प्रगति नीतिगत निरन्तरता र प्रभावकारीताको परिणाम भएको स्पष्ट पारिन् ।
उनले मुलुकमा स्थिरता र स्थायित्व कायम भएको दाबी पनि गरिन् । यस्तै राष्ट्रपति भण्डारीले शान्ति सुरक्षा कायम हुनुको साथै भ्रष्टाचारमा संलग्न कसैले पनि उन्मुक्ति नपाउने गरि कारवाही प्रक्रियालाई अघि बढाईएको बताईन ।
कारोना भाइरसको प्रभावका कारण सरकारको विकासको आकांक्षामा धक्का पुगेको उल्लेख गर्दे उहाँले स्वास्थ्य, शिक्षा  रोगजारी र आर्थिक पुनरुत्थान नै सरकारको आगामी कार्यदिशा रहेको बताईन । 
उनले सम्मृद्ध नेपाल सुखी नेपालीको राष्ट्रिय आकांक्षा पुरा गर्न माहामारीका कारण समग्र सामाजिक आर्थिक पक्षमा परेको प्रतिकुलता समेत लाई सम्बोधन गर्दे नेपाल सरकारले रणनीतिक आधार र पक्षहरुलाई ध्यानमा राखि नीति तथा कार्यक्रम तर्जुमा गरेको स्पष्ट पारिन ।
विश्व अर्थतन्त्रको संरचना परिर्वतन हुन सक्ने, मुलुकहरुको आयमा कमि आउन सक्ने, मित्र राष्ट्र तथा विकास साझेदारहरुको स्रोत साधन परिचालनको क्षमता, प्राथमिकता र क्षेत्र फरक हुन सक्ने अवस्था भएकाले अधिकतम आन्तरिक श्रोत परिचालन गर्ने गरिने राष्ट्रपति भण्डारीको भनाई छ ।
उनले फजुल खर्च रोक्ने, वित्तिय अनुशासन कायम गर्ने, अन्तराष्ट्रिय श्रम बजार संकुचित भई रोजगारीका अवसर गुम्ने संभावनालाई मध्यनजर गरि सरकारको आफ्ना कार्यक्रम तर्जुमा गर्ने पनि उल्लेख गरिन् ।