नीति तथा कार्यक्रम ६३ पानाको निबन्ध: नेता रिजाल

२ जेठ, हेटौंडा । प्रमुख प्रतिपक्षी दलका नेताहरुले ‘प्राथमिकता गुमाएर आएको नीति तथा कार्यक्रम’ले मुलुकलाई संकटबाट बाहिर निकाल्ने नसक्ने प्रतिक्रिया दिएका छन् ।
नीति तथा कार्यक्रम सार्वजनि पछि प्रतिक्रिया दिँदै नेताहरुले वर्तमान आवश्यकताको प्रथामिकता सरकारले सम्बोधन गर्न नसकेको प्रतिक्रिया नेताहरुले दिएका हुन् । नेपाली कांग्रेसका नेता मिनेन्द्र रिजालले सरकारले प्राथमिकता गुमाएर ल्याएको नीति र कार्यक्रमले मुलुकलाई संकटबाट बाहिर निकाल्न नसक्ने बताएका छन् ।
नेता रिजालले नीति तथा कार्यक्रमलाई ६३ पानाको लामो निबन्धको संज्ञा दिए ।
उनलेे सरकारले प्राथमिकता गुमाएको र प्राथमिकता गुमाएर बनेको कार्यक्रमले बर्तमान संकटबाट मुलुकलाई बहिर निकाल्न नसक्ने दाबी गरे ।
उनले नीति तथा कार्यक्रम विर्षेर प्राथमिकता तर्फ ध्यान दिन सरकारलाई आग्रह पनि गरे । कोरोना महामारीबाट आउने अवशर र चुनौतीको सामना गर्ने कुराका लागि अगाडी बढ्न सरकारलाई उनको सुझाब थियो ।
नेता रिजालले सीमा अतिक्रमणको विषयमा सरकारले भरोसा गर्न सकिने कुरा नगरेको बताए । अन्तिम समयमा आएर अलिकति बोलेपनि सरकारले गम्भिरता नदेखाएको आरोप नेता रिजालको छ। सरकारले काम गरेर प्रमाणि गरे आफुहरुको साथ सधै रहने उनको भनाइ थियो ।