विश्वभर कारोना संक्रमितको संख्या ४६ लाख नाघ्यो

३ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट संक्रमित हुनेको संख्या ४६ लाख नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमितको संख्या ४६ लाख २४ हजार ३४ पुगेको छ ।
पछिल्लो २४ घण्टामा मात्रै संक्रमितको संख्या ९९ हजार ४ सय १ जनाले थपिएको छ । संक्रमित मध्ये अहिलेसम्म ३ लाख ८ हजार १ सय ५४ जनाको मृत्यु भइसकेको छ । 
यसैगरी संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार १७ लाख ५५ हजार १ सय ४१ जना संक्रमित उपचारपछि निको भएका छन् ।
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १४ लाख ८४ हजार २ सय ८५ जना मानिस संक्रमित भएका छन । पछिल्लो २४ घण्टामा अमेरिकामा २६ हजार ६ सय ९२ जना नयाँ संक्रमित थपिएका छन् ।
अमेरिकापछि स्पेनमा सबैभन्दा बढी संक्रमित रहेका छन् । यहाँ २ लाख ७४ हजार ३ सय ६७ जना संक्रमित रहेका छन् । 
पछिल्लो समय संक्रमितको सख्या ह्वात्तै बढेपछि रसिया र बेलायत संक्रमितको तेश्रो र चौथो स्थानमा पुगेका छन् ।
रसियामा संक्रमितको संख्या २ लाख ६२ हजार ८ सय ४३ पुगेको छ भने बेलायतमा संक्रमितको संख्या २ लाख ३६ हजार ७ सय ११ पुगेको छ । यस्तै इटलीमा कोरोना संक्रमितको संख्या २ लाख २३ हजार ८ सय ८५ पुगेको छ ।
यसैगरी पछिल्लो केहीदिन लगातार संक्रमितको संख्या बढीहरको ब्राजिलमा संक्रमितको संख्या २ लाख १८ हजार २ सय २३ पुगेका छन् । यहाँ एकैदिन १५ हजार ३ सय ५ जना नयाँ संक्रमित थपिएका छन् भने फ्रान्समा संक्रमितको संख्या १ लाख ७९ हजार ५ सय ६ पुगेको छ ।
यसैगरी जर्मनी, टर्की, इरान, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ ।