लालझाडीलाई पर्यटकीय गाउँ बनाउँछु : गृहराज्यमन्त्री बानियाँ

२३ बैशाख, हेटौंडा । नेपाली काँगे्रेसले हेटौंडा–१ लालझाडीलाई पर्यटकीय गाउँ बनाउने घोषणा गरेको छ ।
नेपाली काँग्रेस हेटौंडा वडा नम्बर–१ को चुनावी प्रचारप्रसार कार्यक्रमअन्तर्गत् लालझाडीमा आयोजित कोणसभालाई सम्बोधन गर्दै नेपाली काँग्रेस मकवानपुर सभापति तथा गृहराज्यमन्त्री इन्द्रबहादुर बानियाँले स्थानीय तहको निर्वाचनमा काँग्रेस विजयी भएको खण्डमा त्यसक्षेत्रलाई पर्यटकीय गाउँको रुपमा विकास गरिने बताएका हुन् ।
नेपाली काँग्रेस र नेकपा माओवादी केन्द्रको तर्फबाट हेटौंडा उपमहानगरपालिकाका मेयरका उम्मेदवार आनन्दराम पराजुलीले लालझाडीको झोलुङ्गेपुलको आन्दोलनदेखि नै आफू त्यसक्षेत्रको विकासमा सक्रिय रहेको भन्दै उनले केही समय अगाडि सडक विस्तारका लागि पनि आफूले सहयोग गरेको बताए ।
    मेयरमा निर्वाचित भएको खण्डमा पर्यटकीय पार्क, मन्दिर, गुम्बा तथा पिकनिक स्पट निर्माण गरेर त्यसक्षेत्रको विकासका लागि म क्रियाशील रहने पराजुलीले बताए । नेपाली काँग्रेसको तर्फबाट हेटौंडा–१ नम्बर वडा अध्यक्षका उम्मेदवार सविन न्यौपाने तथा सदस्यहरु जंगबहादुर बस्नेत, लवाङ लामा, सरस्वती श्रेष्ठ, समिता सुनार रसाईलीलगायतले आफू उम्मेदवार भएको खण्डमा गर्ने नीति तथा कार्यक्रमबारे सबैलाई जानकारी गराएका थिए ।
वडा नम्बर–१ को लालझाडी क्षेत्रमा शनिबार चुनाव प्रचारप्रसार टोलीले घरदैलो कार्यक्रम समेत आयोजना गरेको छ ।