नयाँ शक्तिको प्रचार अभियान तिव्र

२५ बैशाख, हेटौंडा । नयाँ शक्ति पार्टी नेपालले चुनाव प्रचारप्रसारलाई तीव्रता दिएको छ । स्थानीय निकायको निर्वाचन नजिकिँदै गर्दा पार्टीले सोमबार हेटौंडा ६, १२, १३ र १९ नम्बर वडामा घरदैलो कार्यक्रमको आयोजना गरेको हो ।
पार्टीकातर्फबाट स्थानीय निकायको निर्वाचनामा उम्मेदवारी दिएकाहरुलाई जिताउन आग्रह गर्दै नयाँ शक्ति जनताको घरघरमा पुगेको हो ।

हेटौंडा-६ मा अध्यक्षका उम्मेदवार शिव भट्टराई, सदस्यका उम्मेदवार उत्सव चौलागाईं, महिला सदस्य शान्ति चौलागाईंसहितले पुतलीबजार, हात्तिलेट लगायतका क्षेत्रमा घरदैलो गरेको छ । हेटौंडा १२ र १३ मा भएको कार्यक्रममा पार्टीका केन्द्रीय कार्यकारी सदस्य सोनामसिं स्याङ्तान, जिल्ला संयोजक प्रल्हाद लामिछाने, सहसंयोजक जीवनमान मोक्तान, १२ नम्बर वडाको अध्यक्ष उम्मेदवार औतारसिं गोले, १३ नम्बर वडाका अध्यक्ष उम्मेदवार विकास वाइबालगायतको सहभागिता रहेको थियो ।

हेटौंडाको १९ नम्बर वडामा भएको वृहत र्याालीसहितको घरदैलो कार्यक्रममा वडा अध्यक्षका उम्मेदवार राजकुमार भेटवाल, जिल्ला कार्यकारी सदस्य प्रकाश थोकर, जिल्ला परिषद् सदस्य जयराम सुबेदी, वडा सदस्यका उम्मेदवार प्रताप सिं थिङ, श्यामबहादुर घलान, रिता थिङ तामाङ, अमृता सुनारलगायतको उपस्थिति रहेको थियो ।