कोरोनाबाट मर्नेको संख्या ३ लाख १९ हजार नाघ्यो

३ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट मर्नेको संख्या ३ लाख १९ हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया ३ लाख १९ जार ९ सय ६१ पुगेको छ । पछिल्लो २४ घण्टामा संक्रमणबाट ३ हजार ४ सय ४१ जनाको मृत्यु भएको छ । 
यस्तै अहिलेसम्म कोरोना संक्रमणबाट विश्वभर कुल ४८ लाख ८७ हजार ९ सय २९ जना मानिस संक्रमित भएका छन् । २४ घण्टाको अवधिमा ८८ हजार ६ सय ६३ जना मानिस नयाँ संक्रमितको रुपमा थपिएका छन् ।
पछिल्लो तथ्यांक अनुसार १९ लाख ४ हजा ६ सय ६६ जना संक्रमित उपचारपछि निको भएका छन् । यस्तै भाइरसको संक्रमणका कारण अहिले ४४ हजार ७ सय ६१ जना गम्भीर अवस्थामा उपचार गराइरहेका छन् भने २६ लाख १८ हजार ५ सय ३६ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु भएको अमेरिकामा अहिलेसम्म ९१ हजार ९ सय ७७ जनाको मृत्यु भएको छ । पछिल्लो २४ घण्टामा अमेरिकामा ९ सय ९९ जनाको मृत्यु भएको छ । 
अमेरिकापछि संक्रमणबाट मृत्यु हुने देशमा बेलायत दोश्रो स्थानमा छ । यहाँ कोरोना संक्रमणबाट ज्यान गुमाउँनेको संख्या ३४ हजार ७ सय ९६ पुगेको छ । बेलायतमा केही दिन यता दैनिक मृत्यु दरमा कमि आएको छ । यहाँ २४ घण्टाको अवधिमा १६० जनाको मृत्यु भएको छ । 
यसैगरी इटलीमा कोरोना संक्रमणबाट ज्यान गुमाउँनेको संख्या ३२ हजार ७ पुगेको छ । पछिल्लो समय इटालीमा पनि मृत्यु दर कम भइरहेको छ । यहाँ  २४ घण्टामा ९९ जनाको मृत्यु भएको छ ।
यस्तै कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २७ हजार ७ सय ९ पुगेको छ । यहाँ थप ५९ जनाको मृत्यु भएको छ । 
यसैगरी फ्रान्समा संक्रमणबाट मृत्यु हुनेको संख्या २८ हजार २ सय ३९ पुगेको छ । यहाँ पछिल्लो समय १ सय ३१ जनाको ज्यान गएको छ ।
पछिल्लो समय दक्षिण अमेरिकि मुलुक ब्राजिलमा कोरोनाको संक्रमण र मृत्यु दर दुबै बढेको छ । यहाँ अहिलेसम्म १६ हजार ८ सय ५३ जनाको मृत्य भएको छ भने संक्रमितको संख्या २ लाख ५५ हजार ३ सय ६८ रहेको छ । ब्राजिलमा पछिल्लो २४ घण्टामा १४ हजार २ सय ८८ जना संक्रमित थपिएका छन् भने ७ सय ३५ जनाको मृत्यु भएको छ ।
यसैगरी कोरोना भाइरसको संक्रमणबाट अहिलेसम्म रसिया बेल्जियम, जर्मनी, इरान, नेदरल्याण्डस, क्यानडा, टर्की, स्वेडेन, मेक्सिको, स्विटजरल्याण्ड जस्ता देशहरु बढी प्रभावित भएका छन् ।