विश्वभर कारोना संक्रमितको संख्या ४८ लाख नाघ्यो

६ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट संक्रमित हुनेको संख्या ४८लाख नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमितको संख्या ४८ लाख ८७ हजार ९ सय २९ पुगेको छ ।
पछिल्लो २४ घण्टामा मात्रै संक्रमितको संख्या ८८ हजार ६ सय ६३ जनाले थपिएको छ । संक्रमित मध्ये अहिलेसम्म ३ लाख १३ हजार ९ सय १६ जनाको मृत्यु भइसकेको छ । 
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १५ लाख ५० हजार १ सय ५ जना मानिस संक्रमित भएका छन । पछिल्लो २४ घण्टामा अमेरिकामा २२ हजार ४ सय ४१ जना नयाँ संक्रमित थपिएका छन् ।
अमेरिकापछि रसियामा संक्रमितको संख्या सबैभन्दा बढी संक्रमित रहेका छन् । यहाँ २ लाख ९० हजार ६ सय ७८ जना संक्रमित रहेका छन् । 
यस्तै स्पेनमा अहिलेसम्म २ लाख ७८ हजार १ सय ८८ जना संक्रमित पुगेका छन भने पछिल्लो समय लगातार संक्रमित बढेको ब्राजिलमा २ लाख ५५ हजार ३ सय ६८ पुगेको छ ।
यसैगरी बेलायतमा संक्रमितको संख्या २ लाख ४६ हजार ४ सय ६ पुग्दा इटलीमा कोरोना संक्रमितको संख्या २ लाख २५ हजार ८ सय ८६ पुगेको छ ।
यसैगरी फ्रान्स, जर्मनी, टर्की, इरान, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ ।