उपत्यका प्रवेश गर्ने नाका सिल गर्न महानगरको माग

७ जेठ, हेटौंडा । काठमाडौँ महानगरपालिकाले कोरोना रोकथाम र नियन्त्रणका लागि लकडाउन अवधिभर उपत्यका प्रवेश गर्ने सबै नाका सिल गर्न नेपाल सरकारसँग आग्रह गरेको छ ।
पछिल्लो समय काठमाडौँ उपत्यकामा कोरोना संक्रमण बढ्न थालेपछि महानगरपालिकाको ४६औँ विशेष नगर कार्यपालिका बैठकको निणयले यस्तो आग्रह गरेको हो ।
कोरोना रोकथाम र नियन्त्रणका लागि सरकारले घोषणा गरेको लकडाउनको अवधिमा उपत्यका प्रवेश गर्ने विभिन्न नाकाबाट अत्यावश्यक सेवा प्रवाहमा संलग्न सवारीसाधन तथा पासको दुरुपयोग गरी मानिसहरु उपत्यका प्रवेश गर्ने क्रम नरोकिएको भन्दै महानगरले यस्तो आग्रह गरेको हो ।
महानगरपालिकाले यसअवधिमा अति आवस्यक भएर काठमाडौँ प्रवेश गर्नुपर्ने भए निजको कोरोना परीक्षणपछि संक्रमण नभएको पुष्टि भएपछि मात्र उपत्यकामा प्रवेश गर्न अनुमति दिने, विना अनुमति उपत्यका प्रवेश गर्ने व्यक्ति र निजलाई सहयोग पु¥याउने व्यक्तिलाई कारवाही गर्न,  आवश्यक संख्यामा क्वारेन्टिन सञ्चालन र व्यवस्थापन गर्न पनि माग गरेको छ । 
यसैग्री सार्वजनिक सेवा प्रवाहमा संलग्न जनप्रनिधि, कर्मचारी, स्वास्थ्यकर्मी, सञ्चारकर्मी र सुरक्षाकर्मीको कोरोना भाइरससम्बन्धी परीक्षणको अविलम्ब व्यवस्था मिलाउन पनि सरकारसँग महानगरपालिकाले माग गरेको छ ।