अन्तिम दिन कार्यक्रम गर्दै संयुक्त उम्मेदवार

२८ बैशाख, हेटौंडा । हेटौंडामा भएको  कोणसभामा बोल्दै पार्टी जिल्ला संयोजक प्रेम बहादुर पुलामी (छिन्तु)ले यसपटकको निर्बाचनमा जनतालाई अधिकार सम्पन्न स्थानिय तह हस्तान्तरण गर्नको लागी माओबादीलाई बिजय गराउन आबश्यक रहेको बताए ।

उनले उज्यालो नेपालका अभियान्ताहरुको रुपमा रहेका हरेक वडाका उम्मेदवार जिताउन मतदातालाई आग्रह गरे । हेटौंडा उपमहानगरपालिकाका मेयरपदका उम्मेदवार आनन्दराम पराजुलीले हेटौंडाको मुहार फेर्दै बिकासको मूल पुटाउन उपमेयर सहितको साझा उम्मेदवारको जित आबश्यक रहेको बताए ।

त्यसैगरी उपमेयर पदका साझा उम्मेदवार बलराम बलले माओबादी केन्द्रले ल्याएको गाँऊ गाँऊको सिंहदरबारको अधिकार सम्पन्न जनता बन्न माओबादी केन्द्रले जित्नुपर्ने बताए । उनले माओबादीले को मुख्य मुद्धा  भनेको अधिकार सम्पन्न स्थानिय निकाय र गणतन्त्र रहेकोले माओबादी बिना यो संस्थागत नहुने दाबी गरे ।

संयुक्त मेयर र उपमेयरका उम्मेदवार सहितको चुनाबी सभाहरु हेटौंडा ५, ६, १२, १३, १५ लगायत बजारमा समेत सम्पन्न भएको छ । कार्यक्रममा सहभागीहरु माओबादी केन्द्रका जिल्ला नेताहरु प्रकाश पाण्डे, ललित घलान, बिबेक राई, शेरबहादुर पहरी, निबन्ध लामा र नेपाली काँग्रेसका नेता रामचन्द्र अर्याल (माईकल) लगायत रहेका थिए ।