विश्वभर एकैदिन झन्डै १ लाख कोरोना संक्रमित थपिए 

८ जेठ, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट संक्रमित हुनेको संख्या ५० लाख नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार पछिल्लो २४ घण्टामा झण्डै एकलाख कोरोना संक्रमित थपिएका छन् । 
कुल कोरोना संक्रमितको संख्या ५० लाख ८२ हजार ६ सय ३७ पुग्दा वितेको २४ घण्टामा ९९ हजार ७ सय संक्रमित थपिएका छन् ।
संक्रमित मध्ये अहिलेसम्म ३ लाख २९ हजार भन्दा बढीको मृत्यु भइसकेको छ । यस्तै २० लाख २० हजार भन्दा बढी मानिसहरु उपचारपछि निको भएर घर फर्किएका छन् । 
विश्वमा सबैभन्दा बढी मानिस अमेरिकामा संक्रमित भएका छन् । यहाँ अहिलेसम्म १५ लाख ९१ हजार ९ सय ६८ जना मानिस संक्रमित भएका छन । अमेरिकामा एकैदिन २१ हजार भन्दा बढी मानिस संक्रमित थपिएका छन् ।
यस्तै अमेरिकापछि रसियामा संक्रमितको संख्या सबैभन्दा बढी रहेको छ । यहाँ ३ लाख ८ हजार ७ सय ५ पुगेको छ । 
यसैगरी दिनानुनिद संक्रमितको संख्या बढी रहेको ब्राजिलमा एकैदिन २१ हजार ४ सय ७२ जना नयाँ संक्रमित थपिएका छन् । ब्राजिलमा अहिले कुल संक्रमितको संख्या २ ला ९३ हजार ३ सय ५७ रहेको छ । 
सुरुवातदेखि नै कोरोनाको महामारी खेपिरहेका स्पेन, इटली, इरान, फ्रान्स, जर्मनी, टर्की, भारत, पेरु लगाएतका मुलुकहरुमा संक्रमितको संख्या दिनानुदिन बढिरहेको छ ।