कोरोना भुसझैं फैलियो,प्रदेशले किट र जाँचको दायरा बढाउनुपर्छः बानियाँ

File photo

१२ जेठ, हेटौंडा ।बागमती प्रदेश प्रमुख प्रतिपक्ष दल नेपाली कांग्रेसका नेता इन्द्रबहादुर बानियाँले विश्वलाई चुनौति दिइरहेको कोरोना भाइरस भुसको आगो जस्तै प्रदेशक साथै देशैभर  फैलिएको बताएका छन् । 
बामगती प्रदेशसभाको छैठौं अधिवेशनको पहिलोमा बैठकमा बोल्दै बानयाँले कोरोना समाजमा भुसको आगो झैं फैलिरहेको अवस्थामा  प्रदेश सरकारलाई किट र परीक्षणको दायरा बढाउन प्रदेश सरकारलाई आग्रह गरेका हुन् । 
उनले प्रदेश सरकारले कोरोना विरुद्ध गरेको तयारी चित्त बुझ्दो नभएको भन्दै कोरोना कोषको रकम थुपारेर राख्नु भन्दा प्रदेशका जनताको परीक्षण र उपचारमा खर्चिन सुझाव दिएका छन । उनले स्वास्थ्यकर्मी, सुरक्षाकर्मी र पत्रकारको विमा गर्न सुझाव दिंदै जनतालाई राहत वितरणका लागि व्यवस्थित काम अघि बढाउन आग्रह गरेका छन।उनले आईसोलेसन र क्वारेन्टाईनको अवस्था राम्रो नहुँदा त्यहाँ पुगेकाहरु समस्यामा रहेको भन्दै यसको उपयुक्त व्यवस्था गर्नुपर्नेमा जोड दिए।विदेशमा रहेका नागरिक र भारतीय सिमानामा रहेका नेपालीलाई ल्याई स्वास्थ्य जाँद गरी व्यवस्थापन गर्नुपर्नेमा उनको जोड थियो ।
उनले आगामी बर्षको बजेट सबैको साझा बनाउन सरकारलाई आग्रह गर्दै यस्तो भए एकजुट भएर पारित गर्ने समेत प्रतिवद्धता व्यक्त गरे ।बैठकमा नेकपाकी सांसद अष्ट लक्ष्मी शाक्ले समय र आवश्यकता अनुसारको बजेट ल्याउनुपर्नेमा जोड दिईन् । उनले कोरोना विरुद्ध एकजुट भएर लड्नुपर्ने भएकाले सर्वसम्मत बजेट ल्याउन सके विकासमा सहयोग पुग्ने बताईन् ।उनले अहिलेसम्म कोरोनाविरुद्ध कुशल व्यवस्थापन गरेको भन्दै थप काम गर्न सुझाव दिईन् ।
बैठकमा विवेकशिल नेपाली दलका सांसद रमेश पौडेयाल, नेमकिपाका सांसद सुरेन्द्र गोसाई,राप्रपाकी सांसद रिता माझी र राप्रपा प्रजातान्त्रिककी सांसद रिना गुरुङले धारणा राखेका थिए ।