पश्चिम रुकुम घटनाको काङ्ग्रेसद्वारा भत्सर्ना

१३ जेठ, हेटौंडा । प्रमुख प्रतिपक्षी दल नेपाली कांग्रेसले पश्चिम रुकुममा भएको घटनाको भत्सर्ना गर्दै संलग्न माथिको कारवाहीको लागि गृहमन्त्रीसङ्ग माग गरेको छ ।
राष्ट्रियसभाको मंगलबार बसेको बैठकको शुन्य समयमा बोल्दै नेपाली कांग्रेसका राष्ट्रियसभा संसदीय दलका नेता राधेश्याम अधिकारीले कथित माथिल्लो जातबाट भएको आक्रमणमा परी दलित युवाले ज्यान गुमाएको घटनाको भत्सर्ना गर्दै सो घटनामा सरकारले चालेको कदमबारे गृहमन्त्रीको जवाफ माग गरेका छन् ।
उनले मुलुकी ऐन २०२० ले छुवाछुतलाई दण्डनिय भनेको तथा अपराध संहिताले छुवाछुतलाई कठोर रुपले दण्डनिय बनाउने व्यवस्था गरेको भन्दै अहिले पनि दलितमाथि गैहदलितबाट आक्रमण हुनु लज्जास्पद विषय भएको बताएका छन् ।
नेता अधिकारीले छुवाछुतको आधारमा मानव मानवबीच विभेद कायम रहनु सामाजिक व्यवस्थाको लज्जाको विषय भएको उल्लेख गर्दै दोषि माथी कारबाहीमको माग गरेका छन् ।
उनलेे जाजरकोट नगरपालिकाका नवराज विक र रुकुम चौरजहारी नगरपालिका मलफर्कीकी केटीबीचको प्रेम सम्बन्धलाई विहेबाहीमा परिणत गर्न गएका केही दलित युवा माथि भएको सांघातिक हमला र सो हमलाबाट बच्न भेरी नदीमा हामफाली ज्यान गुमाउन बाध्य पारिएको नृशंस घटना प्रति आफू र आफ्नो पार्टीको तर्फबाट भत्सर्ना गरेका छन् ।
उनले अपराधसंग सम्बन्धीत व्यक्तिलाई गरेको कारवाही प्रक्रिया र पीडीतलाई गरेको सहयोग बारे गृहमन्त्रीसंग जानकारी माग गरेका छन् ।