हेटौँडा र थाहामा कांग्रेस–माओवादी गठबन्धन अगाडि

४ जेठ, हेटौँडा । मकवानपुरको मूख्य आकर्षण रहेको हेटौँडा उपमहानगरपालिका र थाहा नगरपालिकामा पछिल्लो मतपरिणाम अनुसार कांग्रेस–माओवादी गठबन्धन अगाडि रहेको छ । 
विहिबार विहान १ बजेसम्मको मत परिणाम अनुसार हेटौँडा उपमहानगरपालिकाको मेयरमाकांग्रेसका तर्फबाट गठबन्धनका आनन्दराम पराजुली अगाडि छन् । हेटौँडाको वडा नम्बर १,२, १९ अन्तिम मत परिणाम र १८ नम्बर वडाको एक हजार मतगणना गर्दासम्म पराजुली ३५ सय ८९ मतका साथ अघि छन् । ३३ सय ४० मत ल्याई एमालेका हरिबहादुर महत पराजुलीलाई पछ्याईरहेका छन् । उपमेयरमा भने एमालेकी मिना लामा ३५ सय २९ मतका साथ अघि छिन् भने गठबन्धनका तर्फबाट माओवादीका बलराम बल २३ सय २६ मत ल्याएर उनलाई पछ्याईरहेका छन् ।
उता, थाहा नगरपालिकाको वडा नम्बर ५,१०,८,१२,४,११,१ र ३ को मतगणना भईसक्दा मेयरमा माओवादी केन्द्रबाट गठनबन्धनका लवशेयर विष्टले ५७ सय ६० मत ल्याएका छन् । एमालेका मेयर उम्मेदवार विष्णु ढकालले ४ हजार ५ मत ल्याएका छन् । उपमेयरमा कांग्रेसबाट गठबन्धनका उम्मेदवार खड्ग गोपालीले ४५ सय ८१ मत ल्याई अघि बढेका छन् । एमालेका उपमेयरका उम्मदवार कल्पना बलामीले ४१ सय २२ मतका साथ गोपालीलाई पछ्याईरहेकी छिन् ।
हेटौँडा १८ मा १००० मतगणनाको मत परिणाम
एमाले        २९९
कांग्रेस        २७९
माओवादी     १९८
राप्रपा        १९६