हेटौंडाका  चेपाङ तथा विपन्नलाई हिमाल मुटु नेपालको खाद्यान्न सहयोग

२६ जेठ,हेटौँडा । हेटौंडाका  चेपाङ तथा विपन्नलाई हिमाल मुटु नेपाल नामक संस्थाले खाद्यान्न सहयोग गरेको छ ।स्वास्थ्य क्षेत्रमा क्रियाशिल संस्था हिमाल मुटु नेपाल काठमाडौंले हेटौंडा उपमहानगरपालिका १५ स्थित चुरियामाईको चेपाङ तथा सोही वडामा बस्ने विपन्न ५५ परिवारलाई खाद्यान्न सामाग्री सहयोग गरेको छ ।
नेपाली कांग्रेस बागमती प्रदेश संसदीय दलका नेता एवं कांग्रेस मकवानपुरका सभापति ईन्द्रबहादुर बानियाँ प्रमूख आतिथ्यता र हेटौंडा १५ का वडा अध्यक्ष महारत्न लामको समन्वयमा हेटौंडा १५ को सयफुट, बंगेरी, सानुसुकौली, रातोमाटे, चुरियामाईका ५५ घरपरिवार चेपाङ तथा विपन्न परिवारलाई खाद्य सामाग्री वितरण गरिएको हो ।साँढे १२ किलो चामल, तेल, दाल, नुन, हर्लिक्स, गेडागुडीलगायत ११ प्रकारका खाद्यान्न  चेपाङ तथा विपन्न परिवारलाई हस्तान्तरण गरेको थियो ।लक डाउनबाट दैनिक ज्यालादारी गरी गुजारा गर्ने तल्लो तहका नागरिक र तिनका परिवार सबैभन्दा पीडित हुने र दैनिक हातमुख जोर्न नै कठिन हुने अवस्था सिर्जना भएकोले खाद्यान्न सहयोग गरेको संस्थाका अध्यक्ष डा.अभन गौतमले बताए ।खाद्य सामाग्री हस्तान्तरण कार्यक्रममा नेपाली कांग्रेस हेटौंडा उपमहानगरका सभापति आनन्दराम पराजुली, संस्थाकी सचिव डा. रिया शर्मा, गौतम समाज मकवानपुरका अध्यक्ष राजु गौतम, नेविसंघ नेता मिलन पुडासैनी, कांग्रेसका नेता गोविन्द भ्लोन, हरि मोक्तान, हेटौंडा १५ की वडा सदस्य कुमारी श्रेष्ठ, नगर कार्यपालिका सदस्य पातलीमाया गोम्बा वन महासंघका नगर उपाध्यक्ष मिनबहादुर घलानलगायतको उपस्थिति रहेको थियो ।