प्रतिनिधीसभाबाट नयाँ नक्सा सहितको निशान छाप सर्वसम्मतिले पारित 

३१ जेठ,हेटौँडा । संविधान संशोधनको पक्षमा विपक्षमा सुन्य मत परेपछि प्रतिनिधि सभा बैठकले संविधानको दोस्रो संशोधन विधेयक सर्वसम्मतिले पारित गरेको छ।
आज बसेको सभाको बैठकमा उपस्थित २५८ सांसद मध्य समाजवादी पार्टीकी सांसद सरिता गिरी भने मत विभाजन प्रक्रियामा सहभागी नभइ बाहिरीएकी थिइन । उनले राखेको संशोधन प्रस्ताव सभामुखले अस्वीकृत गरिदिएपछि गरी सभाबाट बाहिरीएकी थिइन । यद्यपी अन्य उपस्थित सांसदले संविधान संशोधनको पक्षमा अर्थात् हुन्छ भन्ने पक्षमा मत दिएका छन ।सरकारले ल्याएको संशोधनको पक्षमा प्रमुख प्रतिपक्षी दल नेपाली कांग्रेस, राजपा नेपाल, समाजवादी पार्टी, राप्रपा, जनमोर्चा र नेमकिपाले मतदान गरेका थिए । 
सरकारले वास्तविक भूमि अनुसारको नेपालको नक्सा निशान छापमा समेट्न संविधान संशोधन विधेयक ल्याएको हो ।यो विधेयक सर्वसम्मतले पारी भएपछि नयाँ नक्सा सहितको निशान छाप जारी गर्न बाटो खुलेको हो ।संविधानको धारा ९ को उपधारा २ अनुसारको अनुसूची(३ मा नेपालको निशान छाप रहेको छ। उक्त निशान छापमा भएको नक्सामा नेपालको कालापानी, लिम्पियाधुरा,लिपुलेक लगायतका क्षेत्र समावेश थिएन। सरकारले उक्त क्षेत्रहरु समेटेर गत जेठ ७ गते नयाँ नक्सा जारी गरेको थियो।
यता सरकारले जेठ १८ गते प्रतिनिधि सभामा नयाँ नक्सा समेटिएको संविधान संशोधन विधेयक पेश गरेको थियो।अब राष्ट्रिय सभाबाट पारित भएर राष्ट्रपतिबाट लागू भएसँगै नेपालको निशान छाप परिवर्तन हुनेछ। 
    यस्तो छ नयाँ नक्सा सहितको निशान छाप