संघीय सरकारले पपुलर कुरा गर्‍योः नेता बानियां

३२ जेठ,हेटौँडा । बागमती प्रदेश प्रमुख प्रतिपक्षी दल नेपाली कांग्रेसका नेता इन्द्रबहादुर बानियाँले संघीय सरकार गम्भीर नभएको बताउदै सरकारले समन्वयकारी भुमिक नदेखाई पपुलर  कुरा गरेको बताएका छन ।

नेता बानियांले बागमती प्रदेशको आज भएको छैठौ अधिवेशनलाई सम्बोधनका क्रममा यसो बताएका हुन । उनले संघीय सरकारले लकडाउनका समयमा व्यवसायीसंग कर मागेको निर्दयी बनेकोप्रति कटक्षय गर्दै बानियाले संघीय सरकारसंग मानवीयता हराएको बताएका छन । उनले प्रदेशसभा मार्फत संघीय सरकारलाई गम्भीर हुन आग्रह गरेका छन ।उनले बैठकलाई सम्बोधन गर्दै प्रदेश सरकारले जारी गर्ने बजेट संघीय सरकार जस्तो नभई बागमती प्रदेश सरकरले भुगोल बिकटतालाई हेरेर समानुमातिक वितरण प्रणलीमा छ भन्ने अभास दिन खाले बजेट ल्याउन अनुरोध गरेका छन । 

                    बानियाँले सोधे ’ ५० करोड कहाँ गयो, हिसाब खै?’
 बागमती प्रदेश प्रमुख प्रतिपक्षी दल नेपाली कांग्रेसका नेता इन्द्रबहादुर बानियाँले बागमती प्रदेश सरकारले स्थापना गरेको कोरोना रोकथाम, नियन्त्रण तथा उपचार कोषको हिसाब मागेका छन् ।प्रदेशसभा बैठकको विशेष समयमा बोल्दै नेता बानियाँले प्रदेश सरकारले ५० करोड रूपैयाँको कोष स्थापना गरे पनि त्यसको हिसाब सार्वजनिक गर्न माग गरेका हुन् ।संघीय सरकारले समयमै हिसाब सार्वजनिक नगर्दा जनता रोडमा उत्रनु परेको भन्दै तत्काल प्रदेश सरकारलाई हिसाब सार्वजनिक गर्न माग गरेका छन् । उनले जनताले कोरोना नियन्त्रणको सवालमा प्रदेश सरकारको उपस्थिति खोजेको भन्दै जनतामा सरकार पुग्नुपर्नेमा जोड गरे । प्रधानमन्त्रीले कोरोनालाई लिएर ’ओठे’ जवाफ दिएको भन्दै जिम्मेवार हुनुपर्नेमा ध्यानाकर्षण गराए । उनले प्रदेश सरकारलाई बजेटमा समेत गम्भीर हुन भन्दै कोरोनाको असरलाई न्युनिकरण गर्ने ढंगले बजेट आउनुपर्ने बताए  ।