प्रदेशसभाबाट दुई अध्यादेश स्विकृत

१ असार, हेटौंडा । बागगमती सभाको प्रदेश सभा बैठकबाट दुई अध्यादेश स्वीकृत भएको छ।
बैठकमा आर्थिक मामिला तथा योजना मन्त्री कैलाश प्रसाद ढुङ्गेलले प्रस्तुत गरेको प्रदेश आर्थिक कार्यविधि ऐन २०७४ लाई संशोधन गर्न बनेको अध्यादेश सर्वसम्मत स्वीकृति भएको छ ।  
त्यस्तै उद्योग पर्यटन, वन तथा वातावरण मन्त्री अरुण नेपालले प्रस्तुत गरेको वातावरण संरक्षण सम्बन्धमा व्यवस्था गर्न बनेको अध्यादेश बहुमतले पारित भएको छ । सांसद रमेश पौड्यालले अध्यादेशलाई अस्वीकार गर्ने प्रस्ताव बहुमतले अस्वीकृत भएको थियो ।
बैठकले आन्तरिक मामिला तथा कानून मन्त्री शालिकराम जमरकटेलले प्रस्तुत गरेको प्रदेश प्रहरी सेवा सम्बन्धमा व्यवस्था गर्न बनेको विधेयक दफाबार छलफलका लागि समितिमा पठाईएको छ ।
बैठकमा ४ वटा संसदीयय समितिको वार्षिक प्रतिवेदन प्रस्तुत भएको छ । बैठकमा प्रदेश मामिला समितिका सभापति माधव प्रसाद पौडेल, अर्थ तथा विकास समितिका सभापति सरेश नेपाल, शिक्षा स्वास्थ्य तथा कृषि समिति सभापति घनश्याम दाहाल र उद्योग पर्यटन तथा वातावरण समितिका सभापति रमा आले मगरले आ-आफ्नो समितिको प्रतिवेदन पेश गरेका थिए ।
प्रदेशसभाको अर्को बैठक सोमबार साँझ ५ बजे बस्नेछ ।