कृष्ण सारु मगर
१२ जेठ, हेटौँडा । कम्युनिस्ट र 'राजावादी' को प्रभाव रहेको मकवानपुरमा कांग्रेस करिब ७ दशकसम्म तेस्रो शक्तिका रूपमा सीमित रह्यो । ०१५ सालमा ५१ नम्बर क्षेत्रमा पर्ने मकवानपुरबाट विश्वबन्धु थापाले सांसद जितेपछि पुनः खाता खोल्न कांग्रेसले ५५ वर्ष कुर्नुपर्यो । ०७० को दोस्रो संविधानसभा निर्वाचनमा मकवानपुर एक नम्बर निर्वाचन क्षेत्रबाट इन्द्र बानियाँ सांसद भएका थिए ।
दोस्रो संविधानसभा निर्वाचनको चार वर्षपछि ०७४ वैशाख ३१ गते भएको पहिलो चरणको स्थानीय तह निर्वाचनबाट कांग्रेस मकवानपुरमा दोस्रो शक्तिका रूपमा उदाएको छ । दुई गाउँपालिका अध्यक्ष, एक उपमेयरसहित एक सय दुई वडाध्यक्षमध्ये ३१ वडाध्यक्षमा कांग्रेसले जित हात पार्यो । हेटौंडामा मात्र १९ मध्ये पाँचवटा वडामा अध्यक्ष विजयी गराउन सफल कांग्रेस हेटौंडा उपमहानगरपालिकासहित गाउँपालिका र वडामा पनि एमालेसँग प्रतिस्पर्धी शक्तिका रूपमा उदाएको छ ।
हेटौंडा उपमहानगरको मेयरमा कांग्रेसका आनन्द पराजुली एमालेका हरिबहादुर महतसँग ७ सय १५ मतले पराजित भएका छन् । उनले २२ हजार ५ सय नौ मत प्राप्त गर्दा महतले २३ हजार १ सय २४ मत प्राप्त गरी विजयी भएका छन् । मनहरी गाउँपालिकाको अध्यक्षमा एमालेका एकराज उपे्रतीसँग कांग्रेसका शंकर न्यौपाने २ सय ९१ मतले पराजित भएका छन् ।
मकवानपुर गढी गाउँपालिकाको अध्यक्षमा एमालेकै विदुर हुमागाईंसँग कांग्रेसका दोर्जे लामा १ सय ६१ मतले पराजित भएका छन् । स्थानीय निर्वाचनमा भएको मतदानबाट अन्य गाउँपालिकामा पनि कांग्रेस नै दोस्रो शक्तिका रूपमा स्थापित भएको छ । ०४९ सालको स्थानीय निर्वाचनमा हेटौंडामा दुई वडा र ५ गाविस अध्यक्ष जितेको कांग्रेस ०५४ सालको स्थानीय निर्वाचनमा निल भएको थियो ।
कसरी बढ्यो कांग्रेस प्रभाव
०६४ सालको संविधानसभा निर्वाचनमा मकवानपुर क्षेत्र नम्बर १ बाट पराजित भएका कांग्रेस मकवानपुरका सभापति तथा गृहराज्यमन्त्री इन्द्र बानियाँ निराश भएनन् । निरन्तर एक नम्बर क्षेत्रमा क्रियाशील उनी ०७० को निर्वाचनमा विजयी भए । कांग्रेस मकवानपुरका कार्यवाहक सभापति विष्णुप्रसाद लामिछाने भन्छन्, '५५ वर्षपछि बानियाँले एक नम्बर क्षेत्रमा पुनः खाता खोलेपछि मकवानपुरमा कांग्रेसको लहर बढेको हो ।'
स्थानीय निर्वाचनमा दुई गाउँपालिका अध्यक्ष, एक उपमेयरसहित एक सय दुई वडाध्यक्षमध्ये ३१ वडाध्यक्ष कांग्रेसले जितेको छ ।
यसअघि पटक-पटक भएका निर्वाचनमा कम्युनिस्ट र राजावादी विजयी भए पनि बोलेका कुरा पूरा नगर्ने प्रवृत्तिले जनता दिक्क भएको उनको बुझाइ छ । 'हामीले एक नम्बर निर्वाचन क्षेत्रमा विजयी भएपछि निर्वाचन अघि गरेका प्रतिबद्धता पूरा गर्दै गयौं,' उनले भने, 'जनताले चुनाव जिताएर पठाएपछिको फरक महसुस गरी हामीलाई विश्वास गरेका हुन् ।'
कांग्रेसले ल्याएको विकासको लहर, राप्रपाको ढुलमुले नीति, एमालेको खोक्रो राष्ट्रवाद, माओवादीको पटक-पटक विभाजन र कांग्रेसभित्र क्रियाशील टिमको सहयोगका कारण मकवानपुरमा कांग्रेसको प्रभाव बढ्दै गएको सभापति बानियाँ बताउँछन् ।
कांग्रेसको लक्ष्य
प्रभाव बढ्दै गए पनि सभापति बानियाँ स्थानीय निर्वाचनको मत परिणामबाट सन्तुष्ट छैनन् । जनताले राम्रो मौका दिए पनि सदुपयोग गर्न नसक्दा धेरै ठाउँमा हार व्यहोर्नुपरेको उनको बुझाइ छ । अबका दिन संगठन सुदृढीकरणसँगै मतदाता शिक्षालाई प्रभावकारी बनाउने उनको योजना छ ।
माओवादी केन्द्रसँग गठबन्धन गरी मकवानपुरको तीन स्थानीय निकायमा अन्य पार्टीसँग प्रतिस्पर्धा गरेको कांग्रेसले सोचेजस्तो प्रतिफल पाउन सकेन । माओवादीसँग मिलेर जिल्लामा पहिलो शक्तिका रूपमा रहेको एमाले र हेटौंडामा दोस्रो शक्तिका रूपमा रहेको राप्रपालाई हराउने लक्ष्य कांग्रेसले लिएको थियो । 'माओवादीसँगको ढिलो गठबन्धनका कारण राप्रपालाई हराउन सके पनि प्राविधिक कारण एमाले पहिलो शक्तिको रूपमै रह्यो', उनले भने, 'वैशाख ३१ को स्थानीय निर्वाचनबाट हामीले धरै पाठ सिकेका छौं, अर्को निर्वाचनमा कांग्रेस मकवानपुरमा पहिलो शक्तिका रूपमा स्थापित हुनेछ ।'
साभार : अन्नपूर्ण पोष्ट
७ बैशाख, काठमाडौं । प्रधानमन्त्री पुष्पकमल दाहाल प्रचण्डसँग हमासको कब्जामा रहेका विपिन जोशीको परिवारले भेट...
७ बैशाख, चौतारा। सिन्धुपाल्चोमा जन्ती बस दुर्घटना हुँदा ३ जनाको ज्यान गएको छ भने दुलाहा सहित ३० जना घाईते भएका...
७ बैशाख, हेटौंडा । सुदुरपश्चिम प्रदेशका नवनियुक्त मुख्यमन्त्री एकीकृत समाजवादीका संसदीय दल नेता दीर्घ सोडारीले...
७ बैशाख, हेटौंडा । ओमानमा जारी एसीसी पुरुष प्रिमियर कप क्रिकेट प्रतियोगिताको सेमिफाइनलमा नेपालले शुक्रबार...
७ बैशाख, हेटौंडा । हाल नेपालमा पश्चिमी वायु र स्थानीय वायुको आंशिक प्रभाव रहेको छ । सुदूरपश्चिम प्रदेश लगायत...
६ बैशाख, हेटौंडा। गोरखाको प्रसिद्ध धार्मिक स्थल मनकामना मन्दिर पुग्ने मनकामना केबलकार शुक्रबार बन्द रहने...
६ बैशाख, जनकपुर । तोयम राय बिहिबार महालेखा परीक्षकमा नियुक्त भएका छन् । राष्ट्रपति रामचन्द्र पौडेलले नेपालको...
६ बैशाख, जनकपुर । जनकपुरमा एक महिलाको शव जलेको अवस्थामा फेला परेको छ । शव महोत्तरीको मनरा सिसवा नगरपालिकाकी...
६ बैशाख, काठमाडौं । नेपाली बजारमा बिहिबार सुनको मूल्य घटेको छ । सुनको मूल्य तोलामा ६ सय रुपैंयाले घटेको हो...
नेपालमा शैक्षिक बर्ष २०८१ को विद्यालय भर्ना अभियान शुरु भएको छ । मकवानपुरमा पनि विद्यालयहरु विभिन्न...
४ बैशाख, हेटौंडा। हेटौंडा ६ रामनगरमा आगलागी भएको छ, उक्त आगलागी एकजना घाइते भएका छन्। मंगलबार साँझ रामनगर स्थित...
२४ चैत ,हेटौंडा। हेटौंडा सहित कैलाश र मकवानपुरगढीका विभिन्न स्थानमा शनिबार ११ घण्टा विद्युत आपूर्ति अवरुद्ध...
२५ चैत, हेटौंडा। मकवानपुरको मनहरीमा एक व्यक्ति सुतेकै अवस्थामा मृत भेटिएका छन्।आइतबार बिहान मनहरी गाउँपालिका...
४ बैशाख, हेटौंडा। हेटौंडा सहित कैलाश र मकवानपुरगढीका विभिन्न स्थानमा मंगलबार १२ घण्टा विद्युत आपूर्ति...
२७ चैत, हेटौंडा। हेटौंडा उपमहानगरपालिकाले चैत ४ गते देखि १० गते सम्म संचालित २०८० सालको आधारभूत तह कक्षा ८ को...
२९ चैत, हेटौंडा। बिहीबार अपरान्ह मौसममा आएको बढलीका कारण आएको हावाहुरीले त्रिभुवन अन्तर्राष्ट्रिय...
आइतबार दिउँसो आएको हावाहुरीले हेटौंडा १३ स्थित ४ वटा घरमा क्षती पुगेको छ।आइतबार दिउँसोको हावाहुरीले हेटौंडा १३...
२७ चैत, हेटौंडा । हेटौंडा–काठमाडौँ जोड्ने छोटो दुरीको मार्ग अन्तर्गत कुलेखानी–फाखेल–फर्पिङ सडक खण्ड आजबाट...