राक्सिराङका ११० चेपाङ तथा विपन्न परिवारलाई हिमाल मुटु नेपालको खाद्यान्न सहयोग

६ असार,हेटौँडा। हिमाल मुटु नेपाल काठमाडौंले मकवापुरको विकट क्षेत्र राक्सीराङ गाउँपालिका वडा नम्बर ३ का ११० चेपाङ तथा विपन्न परिवारलाई खाद्यान्न  सहयोग गरेको छ ।

राक्सीराङ गाउँपालिकाका अध्यक्ष राजकुमार मल्लको सभाध्यक्षता,नेपाली कांग्रेसकी केन्द्रीय सदस्य महालक्ष्मी उपाध्याय डिनाको प्रमूख आतिथ्यता तथा बागमती प्रदेश संसदीय दलका नेता ईन्द्रबहादुर बानियाँको विशिष्ठ आतिथ्यतामा राक्सीराङ गाउँपालिका वडा नम्बर ३ अन्तर्गतका पलाँसे, सिउरानी, गाउँवारी, सानोदेवकोट, आलखोप, सरकारीडाँडा, केराबारी टोलका १ सय १० चेपाङ, तामाङ तथा विपन्न परिवारलाई खाद्य सामाग्री वितरण गरिएको हो ।संस्था तथा  नेता बानियाँको सहयोगमा ११० प्रतिपरिवारलाइ २५ किलो चामल, २ लिटर खानेतेल,दाल, नुन, मस्यौरालगायतका खाद्य सामाग्रीहरु वितरण गरिएको हो।कोरोनाको महामारीका कारण सरकारले गरेको लक डाउनबाट दैनिक ज्यालादारी गरी गुजारा गर्ने तल्लो तहका नागरिक र तिनका परिवार सबैभन्दा पीडित हुने र दैनिक हातमुख जोर्न नै कठिन हुने अवस्था सिर्जना भएकोले यस1 क्षेत्रका चेपाङ तथा विपन्न परिवारहरूलाई खाद्यान्न वितरण गरिएको तथा आगामी दिनहरूमा समेत स्थानीय तहसँगको सहकार्यमा सहयोगको कार्यलाई निरन्तरता दिने सिद्धस्थली रुरल कम्युनिटी हस्पिटलका अध्यक्ष डा. अवनकृष्ण गौतमले बताए। 

खाद्य सामाग्री हस्तान्तरण कार्यक्रममा राक्सीराङ गाउँपालिकाका उपाध्यक्ष निर्मला हिमडुङ, कांग्रेस मकवानपुरका सचिव बुद्ध लामा,बागमती  प्रदेशसभा सदस्य सन्तराम चेपाङ, कांग्रेस हेटौंडा उपमहानगरका सभापति आनन्दराम पराजुली,हिमाल मुटु नेपालकी उपाध्यक्ष डा. रिया शर्मा,कम्युनिटी हस्पिटलकी सदस्य डा. कन्चन दाहाल, गाउँपालिकाका प्रशासकीय अधिकृत युवराज आचार्य, समाजसेवीहरु प्रकाश बर्तोला, सन्तोष थापामगर, प्रकाश रंगाली, मिलन पुडासैनी, राक्सीराङ प्रहरी चौकीका प्रहरी ईन्चार्ज जलेन्दर राय कुशवाहलगायतको उपस्थिति रहेको थियो ।संस्थाले यसअघि हेटौंडा उपमहानगरपालिकाको ६ वटा वडाहरुमा लकडाउनमा दैनिक ज्यालादारी गर्ने विपन्न  परिवारहरुलाई खाद्यान्न सामाग्री वितरण गरेको थियो।