अघोषित लोडसेडिङको मारमा बागमती प्रदेशको राजधानी हेटौँडा

७ असार, हेटौँडा । हावा चल्दा र सामान्य पानी पर्दा र विद्युट कटौति हुने हेटौँडामा हिजोआज हावा नचल्दा र पानी नपर्दा समेत विद्युत कटौती हुने गरेको छ । प्रायदैनिक जसो दिनमा ८/१० पटक लाइन जानेगरेको छ । बागमती प्रदेशको राजधानी समेत रहेको हेटौँडा र नेपाल विद्युत प्राधिकरणको ब्याकअपको रुपमा रहको कुलेखानी जलविद्युत आयोजना हुँदा  समेत हेटौँडामा अघोषित लोडसेडिङ हुँदा नागरिक मारमा परेका छन् ।

केही दिनदेखि दैनिक रुपमा १० देखी १५ पटकसम्म लाईन जाने गरेको र लाइन गएपछि आधा देखी १ घण्टासम्म विद्युत नआउने हेटौँडा-१७ चुच्चेखोलाका उदय विडारीले बताए ।बिद्युत कटौती भइरहदा कुटानीपिसानी मिल, दुग्ध उद्योग, विद्युतीय उपकरण प्रयोग हुने व्यापार व्यवसायदेखि घरायसी कामकाजमा समेत समस्या भइरहेको उनको भनाइ छ । लाईन किन गयो भनेर प्युज शाखामा फोन गर्यो न फोन लाग्छ, न समयमा मर्मत हुने स्थानीयले गुनासो गरेका छन् । बिशेषगरी,वशंंगोपाल,चौघडा र ग्रामिण चौघडा फिडरमा प्रायःजसो  दिउँसो र साँझमा गरेर दर्जनौँ पटक विद्युत कटौैति हुन्छ । 

के हेटौँडामा अघोषित लोडसेडिङ भएको हो भन्ने प्रश्नमा नेपाल विद्युत प्राधिकारण हेटौँडा वितरण केन्द्रका प्रमुख योगेन्द्र ठाकुर दर्जनौँ पटक विद्युत कटौैति भएको स्वीकार्दै प्राविधिक समस्या र हावाहुरीले यस्तो हुने गरेको बताए ।केहि दिन अघि हेटौँडासहित जिल्लाभर जथाभावी विद्युत कटौति हुन थालेपछि राष्ट्रिय प्रजातान्त्रिक युवा संगठन मकवानपुरले हेटौंडामा भैरहेको बिद्युत आपूर्तिको समस्या समाधानको माग गर्दै ठाकुरलाई ज्ञापनपत्र समेत बुझाएको थियो । तर समस्या २० को १९ नभएको स्थानीयले गुनासो गरेका छन् ।