विश्वभर १ करोड बढी संक्रमित, एकैदिन साढे ४ हजारको मृत्यु 

१४ असार, हेटौंडा । विश्वभर महामारीको रूपमा फैलिएको कोरोना भाइरसका संक्रमितको संख्या १ करोड नाघेको छ।
कोरोना तथ्यांक सार्बजनिक गरिरहेको वेबसाईट वर्ल्डोमिटरका अनुसार आइतबार बिहानसम्म संक्रमितको संख्या एक करोड ७५ हजार १ सय १५ पुगेको छ। 
यस्तै कुल संक्रमीत मध्ये ५ लाख ६१ हजार २ सय ६२ जनाको मृत्यु भएको छ भने संक्रमितमध्ये ५४ लाख ५७ हजार बढी उपचारपछि घर फर्किसकेका छन्।
विश्वभर कोरोना भाइरसबाट एकैदिन ४ हजार ५ सय ४७ जनाको मृत्यु भएको छ भने १ लाख ७६ हजार ५ सय ६८ जनामा संक्रमण रहेको पुष्टि भएको छ।
कोरोना भाइरसबाट सबैभन्दा बढी प्रभावित अमेरिका भएको छ। 
अमेरिकामा कोरोना भाइरसका कारण १ लाख २८ हजार १ सय ५२ जनाको ज्यान गएकोे छ भने २५ लाख ९६ हजार ५ सय ३३ जनामा संक्रमण रहेको पुष्टि भएको छ।
बितेको  चौबिस घण्टामा मात्रै  अमेरिकामा ४३ हजार ५ सय ७७ जना नयाँ संक्रमित थपएिका छन् भने  ५ सय १२ जनाको मृत्यु भएको छ।
अमेरिका पछि ब्राजिलमा भाइरसका कारण ५७ हजार १ सय ३ जनाको ज्यान गएको छ भने, १३ लाख १५ हजार ९ सय ४१ जना संक्रमित बनेका छन्। 
संक्रमितमध्ये ७ लाख १५ हजार ९ सय ५ जना निको भएका छन्। बितेको चौबिस घण्टामा ब्राजिलमा कोरोनाबाट ९ सय ९४ जनाको मृत्यु भएको छ भने ३५ हजार ८ सय ८७ जना नयाँ संक्रमित थपिएका छन्।
यस्तै कोरोना संक्रमणको तेस्रो नम्बरमा रहेको रसियामा भाइरसका कारण ८ हजार ९ सय ६९ जनाले ज्यान गुमाएका छन् भने , ६ लाख २७ हजार ६ सय ४६ जना संक्रमित छन्। रसियामा एकैदिन कोरोनाबाट १ सय ८८ जनाको मृृत्यु भएको छ भने ६ हजार ८ सय ५२ नयाँ संक्रमित थपिएका छन्।
कोरोनाबाट  संक्रमित तथा मृत्युदरका हिसाबमा चौथो नम्बरमा रहेको भारतमा कोरोनाबाट १६ हजार १ सय ३ जनाको मृत्यु भएको छ भने, ५ लाख २९ हजार ५ सय ७७ जनामा संक्रमण देखिएको छ। 
बितेको चौबिस घण्टामा भारतमा कोरोनाबाट ४ सय १४ जनाको मृत्यु भएको छ भने २० हजार १ सय ३१ जना नयाँ संक्रमित भेटिएका छन्। 
संक्रमितमध्ये  ३ लाख १० हजार १ सय ४७ जना उपचारपछि निको भई घर फर्किसकेका छन्।
विश्वभर रहेका कोरोना भाइरसका संक्रमितमध्ये ५७ हजार ७ सय ४८ जनाको स्वास्थ्य अवस्था गम्भीर रहेको छ भने ४० लाख ६३ हजार ४ सय ९० जनाको सामान्य रहेको छ।