विश्वभर १ लाख ६३ हजार बढी नयाँ कोरोना संक्रमित थपिए

१५ असार, हेटौंडा । पछिल्लो चौबिस घण्टामा विश्वभर कोरोना भाइरसका कारण ३ हजार ४ सय ५४ जनाको मृत्यु भएको छ भने, १ लाख ६३ हजार ८४ जना नयाँ संक्रमित थपिएका छन् । योसँगै विश्वभर कोरोनाबाट ज्यान गुमाउनेको संख्या ५ लाख ४ हजार ७८ पुगेको छ भने, १ करोड २ लाख ३८ हजार १ सय ९९ जना संक्रमित छन्।
बिगत जस्तै बितेको चौबिस घण्टामा सबैभन्दा बढी कोरोना भाइरसका नयाँ संक्रमित अमेरिकामा थपिएका छन्। 
अमेरिकामा एक दिनमा ४० हजार ५ सय २ जना भाइरसका नयाँ संक्रमित थपिएका छन् भने २ सय ८५ जनाको मृत्यु भएको छ।
अमेरिकामा अहिलेसम्म भाइरसका कारण १ लाख २८ हजार ४ सय ३७ जनाको मृत्यु भएको छ भने २६ लाख ३७ हजार ३९ जना संक्रमित छन्।
ब्राजिलमा एकदिनमा कोरोनाका कारण ५ सय ५५ जनाको ज्यान गएको छ भने २९ हजार ३ सय १३ जना नयाँ संक्रमित थपिएका छन्। 
ब्राजिलमा भाइरसका कारण ज्यान गुमाउनेको संख्या ५७ हजार ६ सय ५ सय ९८ पुगेको छ भने संक्रमितको संख्या १३ लाख ४५ हजार २ सय ५४ पुगेको छ। 
यसैगरी रसियामा एकदिनमा कोरोनाका काराण १ सय ४जनाको ज्यान गएको छ भने ६ हजार ७ सय ९१ जना नयाँ संक्रमित थपिएका छन्। 
योसँगै रसियामा कोरोनाका कारण मृत्यु हुनेको संख्या ९ हजार ७३ पुगेको छ भने, संक्रमितको संख्या ६ लाख ३४ हजार ४ सय ३७ पुगेको छ।
कोरोना भाइरसको संक्रमणदर र मृतकको संख्याका आधारमा चौथो नम्बरमा रहेको भारतमा कोरोनाका कारण बितेको चौबिस घण्टामा ३ सय ८४ जनाको मृत्यु भएको छ। १९ हजार ६ सय २० जना नयाँ संक्रमित थपिएका छन्।
भारतमा कोरोनाका कारण ज्यान गुमाउनेको संख्या १६ हजार ४ सय ८७ पुगेको छ भने ५ लाख ४९ हजार १ सय ९७ जना संक्रमित छन्। 
विश्वभर रहेको कोरोना भाइरसका संक्रमितमध्ये ५७ हजार ६ सय २८ जनाको स्वास्थ्य अवस्था गम्भीर रहेको छ भने ५५ लाख ४९ हजार ७ सय २९ जना निको भएका छन्।