'संचारमाध्यम विपद व्यवस्थापन गर्ने अभियन्ता'

२० असार,हेटौँडा।  राष्ट्रको चौथो अंग प्रेस र संचार माध्यम विपद व्यवस्थापन गर्ने अभियान्ताका रुपमा रहेको जनाइएको छ ।बागमती प्रदेशको स्वास्थ्य विकास निर्देशनालय हेटौंडाले शनिबारे आयोजना गरेको महामारी विपद व्यवस्थापनमा सञ्चार माध्यमको भूमिका विषयक अभिमुखिकरण कार्यक्रमलाई सम्बोधनका क्रममा सरोबारवाला निकायका प्रतिनिधीले विपद व्यवस्थापन गर्न संचार माध्यम अभियान्ताका रुपमा रहेको बताएका हुन्। 

कार्यक्रममा बोल्दै निर्देशनालयका वरिष्ठ स्वास्थ्य प्रशासक डा. अर्जुनप्रसाद सापकोटाले गत बर्षको तुलनामा यस बर्ष बागमती प्रदेशमा डेंगु रोगी बढेको उल्लेख गरेका  छन ।उनले बागमती प्रदेशमा आर्थीक बर्ष २०७४।०७५ मा ४ सय ६५ जना आर्थीक बर्ष २०७५।०७६ मा १ सय ५३ जनामा, आर्थीक बर्ष डेंगुका विरामी फेला परेकोमा आर्थिक वर्ष २०७६र७७ को जेठ मसान्तसम्म बागमती प्रदेशमा ११ हजार २ सय १४ जनामा डेंगु रोगी भेटिएको बताए ।

रागी बढनुको कारण संक्रमित व्यक्ति स्वास्थ्य संस्थामा नआउनु र समयमानै स्वास्थ्य संस्थालाई जानकारी नगराउनु हो ,त्यसैले संचार माध्यम यस्ता महामारी तथा विपद व्यवस्थापनको अभियान्ता रहेकोले संचार माध्यमको भुमिका महत्वपुर्ण रहने देखिन्छ – सापकोटाले भने । 

त्यसैगरी कार्यक्रममा बोल्दै बागमती प्रदेशको सामाजिक विकास मन्त्रालयका सचिव दीपक काफ्लेले सुरक्षित रहनु सबैभन्दा  बुद्धिमानी रहेको भन्दै हालै देखिएको कोरोना भाइरसको प्रकोप वा अन्य विपदमा नागरिकलाई सुसुचित गर्नेकाम संचार माध्यमले गर्नेहुदा  संचार माध्यम हरेक किसिमको प्रकोपको व्यवस्थापनमा कोसो ढुङ्गा सावित भएको बताएका छन् ।त्यसैगरी कार्यक्रममा बोल्दै नेपाल पत्रकार महासंघ बागमती प्रदेशका अध्यक्ष प्रताप विष्टले सबैले स्वास्थ्य सावधानी अपनाउनुपर्ने भन्दै, रोगलुकाउनु भन्दा स्वास्थ्य संस्था गएर रोगको उपचार गराउनु बुद्धिमानी भएको बताए ।उनले विश्व स्वास्थ्य संगठनको स्वास्थ्य अवधारण पालनागरी शैक्षिक क्षेत्र सहित सबै क्षेत्र खुलाउनुपर्ने कुरामा जोड दिए।कार्यक्रममा निर्देशनालयका निर्देशक रमेशप्रसाद अधिकारीको सभाध्यक्षतामा भएको थियो ।