विपन्न ३२ विद्यार्थीलाई पोशाक सहयोग

२५ जेठ, हेटौंडा । मकवानपुरमा खेलकुदमा लाग्दै आएका युवाहरुको समुहले बिपन्न तथा जेहेन्दार बिद्यार्थीका लागि विद्यालय पोशाक सहयोग गरेका छन् ।

मकवानपुरको मनहरी गाउँपालिका अन्तरर्गत हाँडिखोला-१ चकरीमा रहेको श्री अाधारभुत बिद्यालयमा शिशु र कक्षा १ मा अध्यनरत ३२ जना छात्रछात्रालाई बिद्यालय पोशाक सहयोग गरेको हो ।

ग्रामिण भेगमा रहेर अध्यनमा लागेका बिपन्न परिवारका बालबालिकको लागि हेटौंडामा रहेको भेट्रान्स परिवारले बिहिवार २८ हजार रूपैयाँ बराबरको बिद्यालय पोशाक बितरण गरेको परिवारका उपाध्यक्ष नबराज बज्राचार्यले जानकारी दिए ।

केवल खेलकुदको क्षेत्रमा मात्र भन्दा पनि सामाजिक रुपमा जेहेन्दार र बिपन्न परिवारमा रहेर अध्ययनमा रहेका बालबालिकालाई पनि सहयोग गर्ने उद्देश्यले बिद्यालयमै पुगेर बालबालिकालाई पोशाक हस्तान्तरण गरेको उपाध्यक्ष बज्राचार्यले बताए ।

पोशाक जिल्ला शिक्षा कार्यालय मकपानपुरका श्रोत व्यक्ती राजेश घिमिरे , बिद्यालयका प्रधानाध्यापक नबराज डोटेल, भेट्रान्स परिवारका सदस्यहरु कृष्ण अर्याल, सुरेश बानियाँ, रमेश उप्रेती राजु अर्याल, राजु श्रेष्ठले बितरण गरेका थिए । बिद्यालयमा करिब १ सय विद्यार्थी अध्ययनरत रहेको प्रधानाध्यापक डोटेलले जानकारी दिए ।