२४ घण्टामा भारतमा सबैभन्दा बढी कोरोना संक्रमित थपिए

२६ साउन, हेटौंडा । भारतमा पछिल्लो २४ घण्टामा विश्वमा सबैभन्दा बढी मानिसमा कोरोनो संक्रमण पुष्टि भएको छ भने सबैभन्दा बढीले ज्यान गुमाएका छन् ।
वितेको २४ घण्टामा भारतमा विश्वको सबैभन्दा बढी ६२ हजार १ सय १७ जना मानिस कोरोनाबाट संक्रमित भएका छन् । यो सँगै भारतमा कुल संक्रमितको संख्या २२ लाख १४ हजार १ सय ३७ पुगेको छ ।
यसैगरी कोरोना भाईरसको तत्थ्यांक प्रस्तुत गरिरहेको वेवसाईट वल्डोमिटरका अनुसार सोमबार विहान सम्म कोरोना संक्रमणबाट सबैभन्दा बढी १ हजार १३ जनाको मृत्यु भएको छ । 
यहाँ अहिलेसम्म कुल ४४ हजार ४ सय ६६ जनाको ज्यान गएको छ भने १५ लाख ३४ हजार २ सय ७८ भन्दा बढी मानिस निको भएका छन् ।
भारतमा पछिल्ला केही दिनमा कोरोना भाइरसको संक्रमण दर उच्च गतिमा बढिरहेको छ । संक्रमणका हिसाबले भारत विश्वकै तेस्रो प्रभावित मुलुक हो । 
यस्तै विश्वकै सबैभन्दा बढी प्रभावित मूलुक अमेरिकामा  सोमबार बिहानसम्म ५१ लाख भन्दा बढी मासिन संक्रमित भएका छन् । यहाँ पछिल्लो २४ घण्टामा ४७ हजार ८ सय ४९ जना नयाँ संक्रमित थपिएका छन् । 
यसैगरी विश्वको दोश्रो कोरोना प्रभावित देश ब्राजिलमा एकैदिन २२ हजार बढी संक्रमित थपिदा कुल संक्रमितको संख्या ३० लाख ३५ हजार ५ सय ८२ पुगेको छ ।