२४ घण्टामा विश्वमा ४ हजार बढी संक्रमितको ज्यान गयो

२ भदौ, हेटौंडा । बितेको २४ घण्टामा कोरोना भाइरसको संक्रमणबाट विश्वमा ४ हजार ८३ जनाको मृत्यु भएको छ । 
यो सँगै विश्वमा कुल ७ लाख ७६ हजार ८ सय ६२ जनाको कोरोना संक्रमणबाट मृत्यु भएको कोरोना संक्रमितको तत्थ्यांक प्रस्तुत गरिरहेको वेबसाईट वल्डोमिटरले जनाएको छ ।
विश्वका २१६ देशमा फैलिएको कोरोनाका कारण सबैभन्दा बढी मानिसको मृत्यु अमेरीकामा भएको छ । अमेरीकामा हालसम्म १ लाख ७३ हजार ७ सय १६ जनाको मृत्यु भइसकेको छ । यहाँ पछिल्लो २४ घण्टामा ५ सय ८९ जनाको ज्यान गएको छ । 
यसैगरी विश्वको दोश्रो सबैभन्दा बढी ज्यान गएको ब्राजिलमा पछिल्लो २४ घण्टामा ७ सय ७५ जनाको ज्यान जाँदा कुल मृतकको संख्या १ लाख ८ हजार ६ सय ५४ पुगेको छ । 
यस्तै तेश्रो सबैभन्दा बढी मृतक रहेको मेक्सिकोमा अहिलेसम्म ५६ हजार ५ सय ५७ जनाको ज्यान गएको छ । यहाँ पछिल्लो २४ घण्टामा २ सय १४ जनाले ज्यान गुमाएका छन् ।
यसैगरी संक्रमित हुनेको विश्वको तेश्रो स्थानमा रहेको भारत कोरोनाको संक्रमणबाट मृत्यु हुनेको देशमा विश्वमा चौथो स्थानमा रहेको छ । यहाँ अहिलेसम्म ५१ ह्जार ९ सय २५ जनाको ज्यान गएको छ । भारतमा वितेको २४ घण्टामा ८ सय ८० जनाले कोरोनाको संक्रमणका कारण ज्यान गुमाएका छन् ।