२४ घण्टामा विश्वमा ६ हजार बढी संक्रमितको ज्यान गयो

३ भदौ, हेटौंडा । बितेको २४ घण्टामा कोरोना भाइरसको संक्रमणबाट विश्वमा ६ हजार ३ सय १२ जनाको मृत्यु भएको छ । 
यो सँगै विश्वमा कुल ७ लाख ८३ हजार ५ सय १६ जनाको कोरोना संक्रमणबाट मृत्यु भएको कोरोना संक्रमितको तत्थ्यांक प्रस्तुत गरिरहेको वेबसाईट वल्डोमिटरले जनाएको छ ।
यसैगरी कोरोना संक्रमणलाई जितेर १ करोड ५० लाख ४० हजार ४ सय ३४ जना मानिस घर फर्किएका छन् ।
विश्वका २१६ देशमा फैलिएको कोरोनाका कारण सबैभन्दा बढी मानिसको मृत्यु अमेरीकामा भएको छ । अमेरीकामा हालसम्म १ लाख ७५ हजार ७४ जनाको मृत्यु भइसकेको छ । यहाँ पछिल्लो २४ घण्टामा १ हजार ३ सय ५८ जनाको ज्यान गएको छ । 
यसैगरी विश्वको दोश्रो सबैभन्दा बढी ज्यान गएको ब्राजिलमा पछिल्लो २४ घण्टामा १ हजार ३ सय ६५ जनाको ज्यान जाँदा कुल मृतकको संख्या १ लाख १० हजार १९ पुगेको छ । 
यस्तै तेश्रो सबैभन्दा बढी मृतक रहेको मेक्सिकोमा अहिलेसम्म ५७ हजार २३ जनाको ज्यान गएको छ । यहाँ पछिल्लो २४ घण्टामा २ सय ६६ जनाले ज्यान गुमाएका छन् ।
यसैगरी संक्रमित हुनेको विश्वको तेश्रो स्थानमा रहेको भारत कोरोनाको संक्रमणबाट मृत्यु हुनेको देशमा विश्वमा चौथो स्थानमा रहेको छ । 
यहाँ अहिलेसम्म ५३ हजार १४ जनाको कोरोना संक्रमणबाट ज्यान गएको छ । भारतमा वितेको २४ घण्टामा १ हजार ८९ जनाको ज्यान गएको छ ।