विश्वमा कोरोना संक्रतिको संख्या २ करोड ५७ लाख नाघ्यो

१७ भदौ, हेटौंडा । विश्वमा कोरोना भाइरसबाट संक्रमित हुने मानिसको संख्या दुई करोड ५७ लाख नाघेको वल्र्डोमिटरले जनाएको छ ।
वल्र्डोमिटरका अनुसार बुधबार विहानसम्म विश्वभरि  २ करोड ५७ लाख ८ सय २० जना मासिनलाई कोरोना संक्रमण भएको छ । कोरोनाभाइरस संक्रमणबाट ८ लाख ६० हजार २ सय ७० जनाको मृत्यु भएको छ । 
संक्रमितमध्ये हालसम्म १ करोड ८१ लाख ८२ हजार ८ सय ८८ जना कोरोनामुक्त भएका छन् । विश्वभरमा हाल ६८ लाख ४६ हजार ७४९ व्यक्ति कोरोनाभाइरस संक्रमित रहेका र उनीहरुको उपचार भइरहेको छ । 
संक्रमितहरुमध्ये ६० हजार ३ सय ३३ जनाको अवस्था गम्भीर रहेको जनाइएको छ । चीनको हुबेई प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोनाभाइरस संक्रमणको कारण संयुक्तराज्य अमेरिका सबैभन्दा बढी प्रभावित भएको छ । 
अमेरिकामा अहिले ६२ लाख ५७ हजार भन्दा बढी मासिन कोरोनाभाइरसका संक्रमित रहेका छन् । यस प्रकोपका कारण अमेरिकामा एक लाख ८८ हजार भन्दा बढी व्यक्तिको मृत्यु भइसकेको छ । 
यसैगरी ब्राजिलमा ३९ लाख ५२ हजार भन्दा बढी मानिस संक्रमित रहेका छन् भने एक लाख २२ हजार भन्दा बढी मानिसको मृत्यु भएको छ । 
यस्तै तेश्रो स्थानमा रहेको भारतमा ३७ लाख ६६ हजार भन्दा बढी मानिस कोरोनाभाइरसबाट संक्रमति रहेका छन् । यहाँ ६६ हजार भन्दा बढी मासिनको मृत्यु भएको छ ।