भारतमा एकैदिन ९७ हजार भन्दा बढी संक्रमित थपिए

१ असोज, हेटौंडा । विश्वमा महामारीको रुपमा पैmलिएको कोरोना अर्थात कोभिड –१९ बाट भारतमा एकैदिन ९७ हजार भन्दा बढी मानिस संक्रमित भएका छन् । 
पछिल्लो २४ घण्टामा भारतमा ९७ हजार ८ सय ५९ जना नयाँ संक्रमित फेला परेको वल्र्डोमिटरले जनाएको छ ।
यो सँगै भारतमा कुल संक्रमितको संख्या ५१ लाख १५ हजार ८ सय ९३ पुगेको छ । यसैगरी भारतमा पछिल्लो २४ घण्टामा १ हजार १ सय ३९ जनाले कोरोना संक्रमणका कारण ज्यान गुमाएका छन् । 
यो सँगै भारतमा कुल मृतकको संख्या ८३ लाख २ सय ३० पुगेको छ । 
भारतमा कुल संक्रमित मध्ये ४० लाख २२ हजार भन्दा बढी मानिसहरु उपचारपछि निको भएर घर फर्किएका छन् । 
भारतमा अहिलेपनि १० लाख १० हजार भन्दा धेरै सक्रिय संक्रमित रहेका छन् भने ८ हजार ९ सय भन्दा बढी अवस्था गम्भिर रहेको छ ।
कोरोना संक्रमित धेरै हुने विश्वको दोश्रो स्थानमा रहेको भारत भन्दा अघि अमेरिका र पछि ब्राजिल रहेको छ ।
अमेरिकामा संक्रमितको संख्या ६८ लाख २८ हजार भन्दा बढी छ भने भारतभन्दा पछि रहेको ब्राजिलमा ४४ लाख २१ हजार भन्दा बढी मानिस कोरोनाबाट संक्रमित भएका छन् । 
हालसम्म विश्वमा ३ करोड ३० हजार भन्दा बढी मानिस कोरोनाबाट संक्रमित भएको वल्र्डोमिटरले जनाएको छ ।