२४ घण्टामा २ लाख ९१ हजार भन्दा धेरै संक्रमित थपिए

४ असोज, हेटौंडा । पछिल्लो २४ घण्टामा विश्वभर २ लाख ९१ हजार भन्दा बढी मानिस कारोना अर्थात कोभिड १९ बाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा २ लाख ९१ हजार १ सय ६० जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड ९ लाख ७६ हजार ५ सय ५९ पुगेको छ ।
विश्वभर भएका कुल संक्रमित मध्ये २ करोड २५ लाख ७७ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ७४ लाख ३७ हजार भन्दा धैरैजनामा संक्रमण रहेको छ भने ६१ हजार ३ सय भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ४२ हजार ५ सय ३३ जना संक्रमित थपिएका छन् । यहाँ योसँगै यहाँ कुल संक्रमितको संख्या ६९ लाख ६७ हजार ४ सय ३ पुगेको छ । 
यस्तै दोस्रो धेरै प्रभावित देश भारतमा ९२ हजार ७ सय ५५ जना नयाँ संक्रमित थपिदा कुल संक्रमितको संख्या ५३ लाख ९८ हजार २ सय ३० पुगेको छ । 
यसैगरी विश्वको तेस्रो धेरै प्रभावित देश ब्राजिलमा ४५ लाख २८ हजार ३ सय ४७ जनामा कोरोना संक्रमण पुष्टि हुँदा पछिल्लो २४ घण्टामा ३० हजार ९ सय १३ जना नयाँ संक्रमित थपिएका छन् ।