विश्वभर कोरोना संक्रमितको संख्या ३ करोड १४ लाख नाघ्यो

६ असोज, हेटौंडा । विश्वभर महामारीको रुपमा फैलिएको कोरोना भाइरस अर्थात कोभिड–१९ को संक्रमितको संख्या ३ करोड १४ लाख नाघेको छ । 
अहिलेसम्म विश्वका ३ कारोड १४ लाख ७२ हजार २ सय ५ जना मानिसमा कोरोनाको संक्रमण पुष्टि भएको वर्ल्डोमिटरले जनाएको छ ।
वितेको २४ घण्टामा विश्वभर २ लाख २६ हजार ८ सय ५२ जना नयाँ संक्रमित थपिएका छन् । कुल संक्रमितको संख्या मध्ये २ करोड ३० लाख भन्दा धेरै मानिसहरु निको भएर घर फर्किएका छन् ।
यसैगरी ७४ लाख ६ हजार भन्दा धैरैजनामा संक्रमण सक्रिय रहाँदा ६१ हजार ७ सय भन्दा धेरै मानिसहरु गम्भिर अवस्थामा उपचार गराई रहेका छन् । 
अहिलेसम्म सबैभन्दा धेरै अमेरिकामा ७० लाख ४६ हजार भन्दा धेरैमा कोरोना भाइरसको संक्रमण पुष्टि भएको छ । यहाँ एकैदिन ३६ हजार ३ सय ७२ नयाँ संक्रमित थपिएका छन् ।
यस्तै दोस्रो धेरै प्रभावित देश भारतमा ५५ लाख ६० हजार भन्दा धेरैमा संक्रमण पुष्टि हुँदा पछिल्लो २४ घण्टामा ७४ हजार ४ सय ९३ जना नयाँ संक्रमित थपिएका छन् ।
यसैगरी तेस्रो धेरै प्रभावित रहेको ब्राजिलमा ४५ लाख ६० हजारभन्दा धेरैमा संक्रमण पुष्टि हुँदा पछिल्लो २४ घण्टामा मात्रै यहाँ १५ हजार ४ सय ५४ जना नयाँ संक्रमित थपिएका छन् ।