२४ घण्टामा विश्वभर ३ लाख १५ हजार भन्दा धेरै संक्रमित थपिए

१० असोज, हेटौंडा । पछिल्लो २४ घण्टामा विश्वभर तीन लाख १५ हजार भन्दा बढी मानिस कारोना अर्थात कोभिड १९ बाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा तीन लाख १५ हजार ५ सय ६० जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड २७ लाख ४४ हजार ५ सय २२ पुगेको छ ।
विश्वभर भएका कुल संक्रमित मध्ये २ करोड ४१ लाख ६७ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ७५ लाख ८४ हजार भन्दा धैरैजनामा संक्रमण रहेको छ भने ६३ हजार ७ सय भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ५१ हजार २ सय ५२ जना संक्रमित थपिएका छन् । यहाँ योसँगै यहाँ कुल संक्रमितको संख्या ७२ लाख ३६ हजार ४ सय ७४ पुगेको छ । 
यस्तै दोस्रो धेरै प्रभावित देश भारतमा ८५ हजार ४ सय ६८ जना नयाँ संक्रमित थपिदा कुल संक्रमितको संख्या ५९ लाख १ हजार ५ सय ७१ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ४६ लाख ९२ हजार ५ सय ७९ जनामा कोरोना संक्रमण पुष्टि हुँदा पछिल्लो २४ घण्टामा ३२ हजार ६ सय ७० जना नयाँ संक्रमित थपिएका छन् ।