प्रधानमन्त्री दाहाल र ५ मन्त्रीद्वारा सपथग्रहण

२० साउन, काठमाडौं । नवनिर्वाचित प्रधानमन्त्री पुष्पकमल दाहाल प्रचण्ड र ५ मन्त्रीले विहिबार सपथग्रहण गरेका छन् । राष्ट्रपति कार्यालय शितल निवासमा भएको विशेष कार्यक्रममा प्रधानमन्त्री दाहाल, २ उपप्रधानमन्त्री र ३ मन्त्रीले सपथग्रहण गरेका हुन् । 
उपप्रधानमन्त्री विमलेन्द्र निधि र कृष्णबहादुर महरा, मन्त्रीहरु रमेश लेखक, गौरीशंकर चौधरी र दलजित श्रीपालीले सपथग्रहण गरेका हुन् । नेपाली काँग्रेसबाट बिमलेन्द्र निधिले उपप्रधान एवं गृहमन्त्री र रमेश लेखकले भौतिक योजना तथा यातायात मन्त्रीको सपथ ग्रहण गरेका छन् । नेकपा माओबादी केन्द्रबाट कृष्णवहादुर महराले उपप्रधान एवं अर्थमन्त्रीको सपथग्रहण गरेका छन् । माओबादीबाट विहिबार दलजित श्रीपाइलीले युवा तथा खेलकुद मन्त्री र गौरीशंकर चौधरीले कृषि मन्त्रीको सपथ ग्रहण गरेका छन् । काँग्रेसबाट मन्त्री बन्ने भनिएका अर्जुननरसिंह केसीले भने असन्तुष्टि जनाएर सपथग्रहणमा सहभागी भएनन् ।

करिव आधा घण्टा ढिलो गरी शुरु भएको सपथग्रहण कार्यक्रममा प्रधानन्यायाधिश सुशिला कार्की, उपराष्ट्रपति नन्दबहादुर पुन, सभाभुख ओनसरी घर्ति, पूर्व प्रधानमन्त्रीहरु, संवैधानिक निकायका प्रमुखहरु, कुटनीतिक व्यक्तित्व, सुरक्षा प्रमुख, दलका नेता लगायतको सहभागिता रहेको थियो ।