विश्वभर ३ लाख १३ हजार भन्दा धेरै संक्रमित थपिए

१५ असोज, हेटौंडा । पछिल्लो २४ घण्टामा विश्वभर ३ लाख १३ हजार भन्दा बढी मानिस कारोना अर्थात कोभिड १९ बाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ३ लाख १३ हजार ९९ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड ४१ लाख ४७ हजार २ सय २४ पुगेको छ ।
विश्वभर भएका कुल संक्रमित मध्ये २ करोड ५४ लाख २१ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ७७ लाख ७ हजार भन्दा धैरैजनामा संक्रमण रहेको छ भने ६६ हजार भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ४० हजार ९ सय २९ जना संक्रमित थपिएका छन् । यहाँ योसँगै यहाँ कुल संक्रमितको संख्यासय ७४ लाख ४७ हजार २ सय ८२ पुगेको छ । 
यस्तै दोस्रो धेरै प्रभावित देश भारतमा ८६ हजार ७ सय ४८ जना नयाँ संक्रमित थपिदा कुल संक्रमितको संख्या ६३ लाख १० हजार २ सक्ष् ६७ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ३८ लाख १३ हजार ५ सय ८६ जनामा कोरोना संक्रमण पुष्टि हुँदा पछिल्लो २४ घण्टामा ३३ हजार २ सय ६९ जना नयाँ संक्रमित थपिएका छन् ।