विश्वभर ३ लाख ४८ हजार भन्दा धेरै संक्रमित थपिए

२३ असोज, हेटौंडा । पछिल्लो २४ घण्टामा विश्वभर अहिलेसम्मकै धेरै ३ लाख ४८ हजार भन्दा बढी मानिस कारोना अर्थात कोभिड १९ बाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ३ लाख ४८ हजार ६ सय ३० जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड ६७ लाख ३८ हजार ६ सय ८९ पुगेको छ ।
विश्वभर भएका कुल संक्रमित मध्ये २ करोड ७६ लाख ४० हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ८० लाख ३२ हजार भन्दा धैरैजनामा संक्रमण रहेको छ भने ६७ हजार भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ५६ हजार ६ सय ५२ जना संक्रमित थपिएका छन् । यहाँ योसँगै यहाँ कुल संक्रमितको संख्यासय ७८ लाख ३३ हजार ७ सय ६३ पुगेको छ । 
यस्तै दोस्रो धेरै प्रभावित देश भारतमा ७० हजार ८ सय २४ जना नयाँ संक्रमित थपिदा कुल संक्रमितको संख्या ६९ लाख ३ हजार ८ सय १२ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ५ लाख २९ हजार ५ सय ३९ जनामा कोरोना संक्रमण पुष्टि हुँदा पछिल्लो २४ घण्टामा २७ हजार १ सय ८२ जना नयाँ संक्रमित थपिएका छन् ।