एकैदिन विश्वमा ४ लाख १२ हजार बढी संक्रमित थपिए

१ कार्तिक, हेटौंडा । पछिल्लो २४ घण्टामा विश्वभर अहिलेसम्मकै धेरै ४ लाख १२ हजार भन्दा बढी मानिस कारोना अर्थात कोभिड १९ को संक्रमणबाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा ४ लाख १२ हजार ९ सय १७ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या ३ करोड ९५ लाख ६५ हजार ९ सय ६० पुगेको छ ।
विश्वभर भएका कुल संक्रमित मध्ये २ करोड ९६ लाख ४८ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ८८ लाख ८ हजार भन्दा धैरैजनामा संक्रमण रहेको छ भने ७१ हजार भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ घण्टामा ७१ हजार ६ सय ८७ जना संक्रमित थपिएका छन् । यहाँ योसँगै यहाँ कुल संक्रमितको संख्या ८२ लाख ८८ हजार २ सय ७८ पुगेको छ । 
यस्तै दोस्रो धेरै प्रभावित देश भारतमा ६५ हजार १ सय २६ जना नयाँ संक्रमित थपिदा कुल संक्रमितको संख्या ७४ लाख ३० हजार ६ सय ३५ पुगेको छ । 
यसैगरी विश्वको तेस्रो धेरै प्रभावित देश ब्राजिलमा ५२ लाख १ हजार ५ सय ७० जनामा कोरोना संक्रमण पुष्टि हुँदा पछिल्लो २४ घण्टामा ३० हजार ५ सय ७२ जना नयाँ संक्रमित थपिएका छन् ।