३ सय ४ स्थानीय तहमा  मतगणना सम्पन्न (अपडेट)

२१ असार,हेटौँडा । निर्वाचन आयोगमा रहेको संयुक्त निर्वाचन परिचालन केन्द्र (जेइओसी) ले २५ जिल्लाका ३ सय ४ स्थानीय तहमा  मतगणना सम्पन्न भईसककोे जनाएको छ । 

निर्वाचन आयोगले कूल ३५ जिल्ला मध्ये २५ जिल्लाको मत परिणाम आईसकेको जनाएको छ।   त्यसैगरी संयुक्त निर्वाचन परिचालन केन्द्रले  हाल १० जिल्लाका ३० स्थानीय तहको मतगणना कार्य जारी रहेको र  ३ स्थानीय तहमा स्थगित भएको मतगणना कार्य सुचारु गर्ने प्रयास भइरहेको बताएको छ । 
प्राप्त मतपरिणमा अनुसार नेकपा (एमाले) १३३ स्थानीय तहमा विजयी भई पहिलो दल बनेको छ,  भने अझै १८ स्थानीय तहमा अग्रता लिइरहेको छ। त्यसैगरी  नेपाली कांग्रेस कुल ११५ स्थानीय तहमा विजयी भई एमालेलाई पछ्याई रहेको छ। नेपाली कांग्रेसको अग्रता  ७ ठाँउमा मात्रै रहेको छ ।माओवादी केन्द्रले भने ३६ स्थानीय तह विजयी भई तेस्रो स्थान रहेको छ ,भने १ स्थानमा अग्रता लिइरहेको छ । नयाँ शक्तिसँग तालमेल गरेको उपेन्द्र यादव नेतृत्वको संघीय समाजवादी फोरम नेपाल ६ स्थानीय तहमा विजयी भएको छ  र विजय कुमार गच्छदारको नेपाल लोकतान्त्रिक फोरम  पनि ६ स्थानीय तहमा विजयी भएको छ  ।
त्यस्तै संसदमा चौथो शक्ति रहेको राप्राप नेपाल  दोस्रो चरणको निर्वाचनमा पनि कमजोर देखिएको छ अहिले सम्म राप्रपाले जम्मा ४ स्थानमा मात्रै जित हात पारको छ । त्यस्तै राष्ट्रिय जनमोर्चा २ ठाँउमा र  २ ठाँउमा स्वतन्त्र उम्मेदवार विजयी भएका छन् ।