विश्वभर कोरोना संक्रमण निको हुनेको संख्या ३ करोड नाघ्यो

४ कार्तिक, हेटौंडा । कोरोना भाइरस अर्थात कोभिड १९ को तत्थ्यांक प्रस्तुत गरिरेहको वेवसाइृट वल्र्डोमिटरका अनुसार विश्वभर कोरोना संक्रमण निको हुनेको संख्या ३ करोड नाघेको छ । 
हालसम्म कोरोना पुष्टि भएका ४ करोड ७ लाखमध्ये ३ करोड ४ लाख २ हजार ६ सय १५ सय जना निको भएका छन् ।
वल्ड्रोमिटरका अनुसार गएको २४ घण्टामा मात्रै २ लाख २१ हजार ३ सय ६५ जना निको भएका हुन् । अहिले विश्वभर ९१ लाख ९८ हजार भन्दा बढी सक्रिय संक्रमित रहेका छन् ।
जसमध्ये एक प्रतिशत अर्थात् ७२ हजारको अवस्था जटिल छ भने बाँकी ९१ लाखको अवस्था सामान्य छ । ११ लाख २४ हजारको भने कोरोना संक्रमणका कारण मृत्यु भइसकेको छ ।
हालसम्म सबैभन्दा धेरै अमेरिकामा ८४ लाख ५९ हजारमा कोरोना पुष्टि भएकोमा ५५ लाख ४ हजार भन्दा बढी निको भएका छन् । यहाँ अहिलेसम्म २ लाख २५ हजार भन्दा बढीको मृत्यु भएको छ । यस्तै ७६लाख भन्दा बढी संक्रमित रहेको भारतमा ६७ लाख ३३ हजारले कोरोना जितेका छन् भने १ लाख १५ हजार भन्दा बढीको ज्यान गएको छ ।
यसैगरी ५२ लाख ५१ हजारमा कोरोना पुष्टि भएको ब्राजिलमा ४६ लाख ८१ हजार भन्दा बढी निको भएका छन् । ब्राजिलमा १ लाख ५४ हजार भन्दा बढीको कोरोना संक्रमणका कारढा मृत्यु भएको छ ।