कैलालीमा ९ घण्टा सम्पर्क बिहिन भएका डिएसपी घटना छानबिनका लागि समिति

११ मंसिर,धनगढी। मंगलबार साँझ ड्युटीमा रहेका इलाका प्रहरी कार्यालय मालाखेतीका प्रमुख, डिएसपी भरतबहादुर चौधरी घटनाको सम्बन्धमा छानबिन गर्न छानबिन समिति गठन गरिएको छ। 

मंगलबार साँझबाट डयुटीमा रहेका इलाका प्रहरी कार्यालय मालाखेतीका प्रमुख डिएसपी भरतबहादुर चौधरी बेलुकी ९ बजेदेखि नै सम्पर्कविहीन भएको घटनाको छानविनको लागी प्रहरी उपरीक्षक दिलिप सिंह देउवाको नेतृत्वमा सुदुरपश्चिम प्रदेश प्रहरी कार्यालयले ४ सदस्यीय छानबिन  समिति गठन गरेको  र ५ दिन भित्र प्रतिवेदन बुझाउन भनिएको सुदुरपश्चिम प्रदेश प्रहरी कार्यालय दिपयलका प्रवक्ता प्रहरी वरिष्ठ उपरीक्षक(एसएसपी)मुकेश कुमार सिंहले जानकारी दिएका छन्। 

'मंगलबार साँझ अबेरबाट प्रहरी नायब उपरीक्षक (डिएसपी) चौधरी सम्पर्क नरहेको जानकारी प्रदेश प्रहरी कार्यालयलाई आएको र कतै अपराधीहरूसँग त मुठभेड भएन? भन्ने शंकाले खोजि कार्य गर्यो तर डिएसपी चौधरी बुधबार बिहान आफै प्रहरी सम्पर्कमा आए ।'- एसएसपी सिंहले भने। 

चौधरीलाई इलाका प्रहरी कार्यालय मालाखेतीको जिम्मेवारीबाट हटाइएर जिल्ला प्रहरी कार्यालय तानिएको र सम्पर्कबिहिन हुनुको कारण सोधिएको ।छानबीन समितिले अनुसन्धान गरिरहेकोले यदि उनले जानाजान लापरवाही पुर्वक डयुटीबाट जानकारी नगराइ सम्पर्क बिहिन भएको पाइएमा कारवाही गरिने एसएसपी सिंहले बताए।