गाँजालाई औषधिजन्य प्रयोजनमा प्रयोगका लागी बाटो खुला

१९ मंसिर, हेटौंडा । संयुक्त राष्ट्र संघको लागू औषधि सम्बन्धी नियोगले गाँजा र गाँजाबाट बन्ने वस्तुलाई औषधिजन्य प्रयोजनमा प्रयोगका लागी बाटो खेलिदिएको छ ।
राष्ट्र संघको उक्त नियोगले गाँजा र गाँजाबाट बन्ने वस्तुलाई पुनःभाषित गर्दै अत्यन्त प्राणघातक लागू औषधको वर्गीकरणबाट हटाएको छ ।
गाँजालाई उक्त बर्गिकराणबाट हटाएसँगै औषधिजन्य प्रयोजन र रोगको उपचारमा प्रयोग गर्न आवश्यक नियमन गर्न सम्बन्धित देशहरुका लागि बाटो खुला भएको छ । सो नियोगको सदस्यमा नेपाल पनि रहेको छ ।
सन् १९६१ देखि खेती गर्न, ओसारप्रसार र सेवन गर्न प्रतिबन्ध लगाइएको गाँजाबारे आयोगका ५३ सदस्यमध्ये २७ जनाले उक्त प्रतिबन्धबाट फुकुवा गर्न मतदान गरेका थिए । उक्त निर्वाचनमा २५ जनाले विरोध गर्नुको साथै एकजना अनुपस्थित रहेको बताइएको छ ।
करिब ५९ वर्षसम्म गाँजालाई उपचार पद्धतिमा प्रयोग गर्न समेत कडा रुपमा प्रतिबन्ध लगाइएको थियो । समाचारका अनुसार संयुक्त राष्ट्र संघको उक्त आयोगका निर्णय अनुसार उक्त गाँजासम्बन्धी अनुसन्धान गर्न र मनोरञ्जनको साधन र औषधीय गुणको रुपमा कानुनी रुपमा अङ्गिकार गर्ने अन्य देशहरुलाई पनि प्ररित गर्ने बताइएको छ ।