राजदेवी सहकारीको १५औ साधारणसभा सम्पन्न,अध्यक्षमा पुन: न्यौपाने

भीमसेन पौडेल

२० मंसिर, हेटौडा । हेटौडा–१७ राजदेवीमा रहेको राजदेवी बचत तथा ऋण सहकारी संस्थाको अध्यक्षमा पुनः मधुसुदन न्यौपाने चयन भएका छन ।शनिवार सम्पन्न भएको संस्थाको १५ औं वार्षिक साधारणसभाको बन्द सत्रले न्यौपानेको अध्यक्षतामा ९ सदस्यीय नयाँ संचालक समिति सर्वसम्मत चयन गरेको हो ।समितिको उपाध्यक्षमा रामप्रसाद भट्ट, सचिवमा श्यामलाल श्रेष्ठ र कोषाध्यक्षमा कृष्णप्रसाद पराजुली रहेका छन।यसैगरी सदस्यहरुमा माधवलाल श्रेष्ठ,नेत्रप्रसाद गौतम, गोविन्दबहादुर थापा र भगवती अर्याल रहेका छन ।त्यसैगरी लेखा सुपरीवेक्षण समितिको संयोजकमा रमेशकुमार पराजुली र सदस्यहरुमा दुर्गा ढुङगाना र लक्ष्मी श्रेष्ठ चयन भएका छन । 

१५ औँ साधारणसभा हेटौडा उपमहानगरपालिका १७ का वडा अध्यक्ष भैरब बहादुर राईको प्रमुख आतिथ्यताा एवम संस्थाका अध्यक्ष मधुसुदन न्यौपानेको सभाध्क्षतामा साधरणसभा सम्पन्न  भएको थियो।कार्यक्रममा संस्थाका अध्यक्ष मधुसुदन न्यौपानेले संस्थागत प्रतिवेदन,उपाध्यक्ष रामप्रसाद भट्टले ऋण समितिको प्रतिवेदन, कोषाध्यक्ष कृष्ण प्रसाद पराजुलीले आर्थिक प्रतिवेदन र लेखा समितिका संयोजक रमेश कुमार पराजुलीले लेखा समितिको प्रतिवेदन प्रस्तुत  गरेका थिए । 

कार्यक्रममा असली कारोवारी खिलाकुमारी धमला र लक्ष्मण लुईटेल,उत्कृष्ठ बाल बचतमा दिपीका धमला र शशांक श्रेष्ठलाई पुरस्कृत गरिएको थियो ।कार्यक्रममा मकवानपुर जिल्ला दुग्ध उत्पादक सहकारी संघका व्यवस्थापक कुमारमणी दहाल, अशोक सामुदायिक वनका अध्यक्ष बलराम अधिकारी, संस्थाका संस्थापक अध्यक्ष दिव्यराज धमला  लगायतकााले मन्तव्य व्यक्त गरेका थिए । 

संस्थाको शेयर पूँजी ४२ लाख ४८ हजार, ऋण लगानी २ करोड ५४ लाख, निक्षेप संकलन २ करोड ४७ लाख रहेको छ भने ५ सय ५९ जना शेयर सदस्य रहेका छन्।