हेटौँडामा प्रेस काउन्सिल नेपालको मकवानपुरे पत्रकारसँग अन्तरक्रिया

२२ मंसिर,हेटौँडा ।  हेटौँडामा पत्रकार आचारसंहिता र लैङ्गिक हिंसा निवारणमा मिडियाको भूमिका अन्तरक्रिया कार्यक्रमको आयोजना गरिएको छ। प्रेस काउन्सिल नेपालको आयोजना र पत्रकार महासंघ मकवानपुरको संयोजनमा काउन्सिल प्रतिनिधि र मकवानपुरे पत्रकार बिच अन्तरक्रिया कार्यक्रमको आयोजना गरिएको हो। 

नेपाल पत्रकार महासंघ  मकवानपुरका अध्यक्ष हरि हुमागाईको सभाध्यक्षतामा भएको कार्यक्रममा प्रेस काउन्सिल नेपालकी सदस्य संगीता खडकाको प्रमुख आतिथ्यता रहेको थियो।कार्यक्रममा नेपाल पत्रकार महासंघ बागमती प्रदेशका अध्यक्ष प्रताप विष्ट,पत्रकार महासंघ मकवानपुरका उपाध्यक्ष कुमार अधिकारी लगायतकाले मन्तब्य ब्यक्त गरेका थिए। 

कार्यक्रममा काउन्सिलकी मिडिया अनुगमनकर्ता सम्झना पौडेलले काउन्सिलले जारी गरेको पत्रकार आचारसंहिताको बारेमा जानकारी गराएकी थिइन्। कार्यक्रममा पत्रकार महासंघ केन्द्रीय सदस्य पुरुषोत्तम सुबेदी,प्रेस काउन्सिलका शाखा अधिकृत विष्णु लम्साल,पत्रकार महासंघ बागमती प्रदेशका महासचिव कृष्ण सारु,पत्रकार महासंघ बागमती प्रदेशका सल्लाहकार गिरीजा अधिकारी मकवानपुरमा रहेका विभिन्न संचारमाध्यममा आवद्ध पत्रकारहरुको सहभागिता रहेको थियो।

कार्यक्रममा सहभागी पत्रकारले प्रेस काउन्सिलको भुमिका र काउन्सिलले गर्ने  मिडिया मोनिटेरीङ्ग र त्यसको प्रभावकारीताको बारेमा चर्चा गरेका थिए।